Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

توقايەۆ سەمەيدە ف. دوستويەۆسكيدىڭ 200 جىلدىعىنا اتاۋلى ءىس- شارا ۇيىمداستىرۋدى ۇسىندى

2021 jyldyń 21 qazan 2021 15:57

نۇر- سۇلتان. قازاقپارات - قازاقستان حالقى اسسامبلەياسىنىڭ كەڭەيتىلگەن وتىرىسىندا مەملەكەت باسشىسى قاسىم- جومارت توقايەۆ فەدور دوستويەۆسكيدىڭ 200 جىلدىعىنا ارنالعان اتاۋلى ءىس- شارا ۇيىمداستىرۋدى ۇسىندى، دەپ حابارلايدى قازاقپارات ءتىلشىسى.

«جەتىنشى - مادەنيەت ديالوگى جانە جالپى ۇلتتىق ازاماتتىق پاتريوتيزم. ءبىز كۇن سايىن ۇيلەسىمدى ەتنوسارالىق ءوزارا- ءىس- قيمىلدىڭ جارقىن ۇلگىلەرىن، ءتۇرلى ەتنوسقا كىرەتىن ەل ازاماتتارىنىڭ پاتريوتيزم اكتىلەرى مەن جانكەشتى ەڭبەگىن كورىپ وتىرمىز. قازاقستاندا ەتنيكاارالىق ديالوگ ءداستۇرىنىڭ تامىرى بەرەڭدە جاتىر. ماسەلەن، كورنەكتى زەرتتەۋشى پوتانين گريگوري الەكسەيەۆيچتى «الاش» قايراتكەرلەرى قۇرمەتتى اقساقال دەپ اتاعان. پوتانيننىڭ قازاق تىلىندە سويلەگەنى، حالقىمىزدىڭ مادەنيەتىن، تۇرمىسىن جانە تاريحىن زەرتتەگەنى بەلگىلى. قازاقتىڭ تانىمال عالىمى شوقان ۋاليحانوۆپەن دوستىق قارىم- قاتىناستا بولعان. بيىل يۋنەسكو قامقورلىعىمەن شوقان ءۋاليحانوۆتىڭ تاعى ءبىر دوسى، الەم ادەبيەتىنىڭ كلاسسيگى دوستويەۆسكي فەدور ميحايلوۆيچتىڭ 200 جىلدىعى اتالىپ وتەدى. مەنىڭشە، ەلىمىزدىڭ تاريحي ورتالىقتارىنىڭ ءبىرى - سەمەيدە وسىناۋ داتانىڭ كۇنىنە وراي اتاۋلى ءىس- شارا ۇيىمداستىرۋ كەرەك»، - دەدى مەملەكەت باسشىسى.

ق ر پرەزيدەنتىنىڭ اتاپ وتۋىنشە، ف. دوستويەۆسكي سەمەي قالاسىندا 5 جىل بويى جۇمىس ىستەگەن. قالادا جازۋشىنىڭ ادەبي- مەموريالدى مۋزەيى ورنالاسقان. وسى مۋزەي ءۇي بۇكىل الەم تۋريستەرى ءۇشىن مادەني- تانىمدىق نىسانعا اينالا الادى.

«مادەنيەتتەردىڭ ءبىر- بىرىمەن ارالاسۋىندا شەكارا جوق. ول حالىقتى رۋحاني بايىتادى. بۇل مەنىڭ نىق سەنىمىم. قازاقستاندا الەكساندر پۋشكيننەن باستاپ «ەدىلدە كازاكپىن، جايىقتا قازاقپىن» دەپ ايتقان نوبەل سىيلىعىنىڭ لاۋرەاتى ميحايل شولوحوۆقا دەيىن ورىس ادەبيەتىنىڭ كوپتەگەن كلاسسيگى شابىت العان ەدى»، - دەدى قاسىم- جومارت توقايەۆ.

Basty sózder: مادةنيةت, قوعام,
Joǵary qaraı