Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

200 myńnan astam jumysshynyń tabysyn arttyrý kózdelip otyr - Eraly Toǵjanov

2022 jyldyń 3 mamyr 2022 11:18

NUR-SULTAN. QazAqparat – Jobalardy júzege asyrý barysyn kvazımemlekettik sektordaǵy iri kompanııalardyń basshylary elge túsindirip aıtýy kerek. Bul týraly elordada «Halyqtyń tabysyn arttyrýdyń 2025 jylǵa deıingi baǵdarlamasy» keshendi josparyna arnalǵan jıynda QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Halyqtyń tabysyn arttyrý baǵdarlamasyn sarapshylar qoǵammen biraz talqylady. Ony óte mańyzdy, halyqqa kerek joba dep atap ótýge bolady. Atap aıtqanda, búkil Qazaqstan halqynyń ál-aýqatyna nazar aýdarylyp otyr. Bul baǵdarlamaǵa elimizdiń barsha mınıstrligi jáne búkil aımaqtaǵy ákimder tikeleı jaýapty. Onyń negizgi baǵyty naqty jumys oryndaryn qurýǵa arnalǵan. Osy oraıda naqty salalar boıynsha talqylaýlar bolady, ıaǵnı óndiristik personalda qyzmet etetin azamattardyń ál-aýqatyn jaqsartýǵa, jalaqysyn arttyrýǵa baılanysty úlken kvazımemlekttik sektordaǵy kompanııalardyń orny men qabyldanǵan sharalar týraly tıisti sheshim jasaımyz dep kelisken edik. Sol baǵdarlamanyń ishinde «Samuryq-Qazyna» qoryna qatysty kóptegen iri kompanııalar bar. Bul rette olardyń jumysyndaǵy is-sharalar men jumys isteıtin azamattardyń da tabysyn arttyrý jobalaryn iske asyrýymyz kerek», - dedi E. Toǵjanov.




Osy oraıda ol jospar boıynsha «Samuryq-Qazyna» qory quramyndaǵy kompanııalarda jumys isteıtin 200 myńnan astam adamnyń tabysyn arttyrýǵa ekpin qoıylǵanyn atap ótti.

«Sondyqtan osy baǵytta aýqymdy jumystar bastalady. Alǵa qoıylǵan maqsat boıynsha iske asatyn jobalar halyqtyń tabysyna qalaı áser etetinin turǵyndar bilýi kerek. Osynyń bári elge ashyq kórsetilýi kerek. Jobalardyń júzege asyrylýyn kvazımemlekettik sektordaǵy iri kompanııalardyń basshylary elge túsindirip aıtýy kerek», - dedi Úkimet basshysynyń orynbasary.




Budan buryn habarlanǵandaı, Úkimet Halyqtyń tabysyn arttyrý baǵdarlamasyn ázirledi.

Qabyldanǵan bul baǵdarlama aıasynda 2 mln jumys orny ashylady.



















Joǵary qaraı