Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

20 qazan. Týǵan kún ıeleri

2021 jyldyń 20 qazan 2021 08:10

NUR-SULTAN. QazAqparat – QazAqparat qazan aıynyń 20-na arnalǵan «Týǵan kún ıeleri» kúntizbesin usynady.

ESІMDER




89 jyl buryn (1932-2016) aqyn, prozashy, jýrnalıst-pýblıtsıst, qoǵam qaıratkeri Nurǵoja Narynbaıuly ORAZ dúnıege kelgen.

Qostanaı oblysy Ýrıtskıı (qazirgi Sarykól) aýdany «Oktıabr» kolhozynda týǵan. 1956 jyly Almaty qalasyndaǵy S.M. Kırov atyndaǵy Qazaq memlekettik ýnıversıtetiniń fılologııa fakýltetin bitirgen soń týǵan aýylynda muǵalim bolyp alǵashqy eńbek jolyn bastaǵan. Keıin Qostanaı oblystyq «Kommýnızm týy» gazetinde tilshi bolyp qyzmet atqarǵan. 1963 jyly Tselınograd qalasyna qonys aýdaryp, ólkelik «Tyń ólkesi» gazetine jumysqa aýysady. 1965-1991 jyldar aralyǵynda Qazaqstan Jazýshylar odaǵynyń oblysaralyq bólimshesin basqardy. 1990 jyldan ómirden ótkenshe ózi ashqan ádebı-kórkem, qoǵamdyq-saıası «Saryarqa» (keıin «Jańa Saryarqa») jýrnalynyń bas redaktory boldy.

Qazaqstan Respýblıkasynyń eńbek sińirgen mádenıet qyzmetkeri, QR Jýrnalıster odaǵynyń M. Seralın atyndaǵy syılyǵynyń laýreaty, «Astana» jáne «Táýelsizdiktiń 10 jyldyǵy» medaldarymen marapattalǵan. «Qazaqstannyń eńbek sińirgen qaıratkeri» (2006).

Toptama óleńderi ýkraın, orys, qyrǵyz tilderine aýdarylǵan.




71 jyl buryn (1950-1998) akter, Qazaqstannyń eńbek sińirgen ártisi Toqsyn QULYBEKOV dúnıege keldi.

Almaty oblysynyń Kerbulaq aýdanynda týǵan. Qurmanǵazy atyndaǵy Almaty memlekettik konservatorııasyn (qazirgi Qurmanǵazy atyndaǵy Qazaq ulttyq konservatorııasy) bitirgen.

1968-1970 jyldary Amangeldi ujymsharynda mádenıet úıiniń meńgerýshisi, Qazaq radıosynyń dıktory, rejısseri bolyp istedi. Sondaı-aq, ol sol tusta kórermenderdiń súıikti baǵdarlamalary bolǵan «Qymyzhana», «Altybaqan», «Jebe» telehabarlarynyń júrgizýshisi boldy. 1984 jyldan ómiriniń sońyna deıin «Tamasha» oıyn-saýyq otaýynyń quramynda óner kórsetti.

«Jiger» jastar festıvaliniń laýreaty.




58 jyl buryn (1963-2008) aýyr atletıkadan Olımpıada chempıony Anatolıı Mıhaılovıch HRAPATYI dúnıege keldi.

Aqmola oblysynyń Atbasar qalasynda týǵan. Almatydaǵy Qazaq dene shynyqtyrý ınstıtýtyn bitirgen. Alǵashqy bapkeri – A. Sıdorov. Ol Qazaqstan jáne KSRO-nyń birneshe dúrkin chempıony, Azııa oıyndarynyń kúmis júldegeri, eki márte Azııa chempıony jáne Ortalyq Azııa oıyndarynyń, Shyǵys Azııa oıyndarynyń jeńimpazy, bes dúrkin Eýropa jáne álem chempıony, Olımpıada oıyndarynyń altyn (Seýl, 1988) jáne kúmis (Atlanta, 1996) júldegeri bolǵan.

«Qurmet» ordenimen marapattalǵan.




52 jyl buryn (1969) Taraz qalasynyń mamandandyrylǵan tergeý sotynyń tóraǵasy Jambyl Mamanhanuly JUMABEKOV dúnıege keldi.

Taraz qalasynda týǵan. 1998 jyly Ál-Farabı atyndaǵy Qazaq memlekettik ýnıversıtetin zańger mamandyǵy boıynsha támamdaǵan.

Eńbek joly: 1986-1987 jyldary Qarataý qalasyndaǵy nan zaýytynda astyq qabyldaý beketinde jumys istegen. 1996-2008 jyldary Jambyl oblystyq sotynda, Jambyl oblysy men Astana qalasynyń ádilet basqarmalarynda Qazaqstan Respýblıkasy Joǵarǵy sotynyń janyndaǵy sottyq ákimgerlik komıetetinde jaýapty qyzmetterde bolǵan. 2008-2012 jyldary – Jambyl oblysy Baızaq aýdanynyń sýdıasy. 2012-2017 jyldary – Jambyl oblysy Talas aýdandyq sotynyń tóraǵasy. 2017-2018 jyldary – Jambyl oblysynyń qylmystyq ister jónindegi mamandandyrylǵan aýdanaralyq sotynyń sýdıasy. 2018-2019 jyldary – Taraz qalasynyń mamandandyrylǵan tergeý sotynyń sýdıasy.

2019 jyldyń shildesinen bastap qazirgi qyzmetinde.




45 jyl buryn (1976) Nur Otan partııasynyń hatshysy Arman Orazbaıuly QYRYQBAEV dúnıege keldi.

Tselınograd qalasynda (qazirgi Nur-Sultan qalasy) dúnıege kelgen. 1992 jyly Jezqazǵan oblysy, Prıozersk aýdanynyń Shashýbaı kentinde (qazirgi Qaraǵandy oblysy, Aqtoǵaı aýdany) №7 mektepti bitirdi. 1992-1996 jyldary Qazaq Memlekettik Ekonomıkalyq Ýnıversıtetinde «halyqaralyq ekonomıkalyq qatynastar» mamandyǵy boıynsha oqydy.

Eńbek jolyn 1996 jyly Qazaqstan Respýblıkasy Syrtqy ister mınıstrliginiń TMD jáne Baltııa elderi basqarmasynyń referenti retinde bastady. 1997 jylǵy sáýir-mamyr aılarynda Qazaqstan Respýblıkasy Syrtqy ister mınıstrliginiń TMD departamentinde attashe bolyp qyzmet atqardy. 1997 jyldyń mamyrynda Qazaqstan Respýblıkasynyń Ózbekstandaǵy elshiligine attashe retinde taǵaıyndaldy. 1999 jyldyń naýryz aıynan 2000 jyldyń shilde aıyna deıin Qazaqstan Respýblıkasynyń Ózbekstandaǵy elshiliginiń úshinshi hatshysy qyzmetin atqardy. 2000 jyldyń tamyz aıynda Qazaqstan Respýblıkasy Syrtqy ister mınıstrliginiń joldamasymen Qazaqstan Respýblıkasy Syrtqy ister mınıstrliginiń Dıplomatııalyq akademııasyna oqýǵa túsip, ony támamdaǵannan keıin TMD Komıtetiniń Orta Azııa jáne Zakavkazıa bóliminde Ekinshi hatshy bolyp qyzmet etti. 2002 jylǵy qazannan bastap – «Korporatsııa «AVE» JAQ Strategııa jáne marketıng departamentiniń dırektory, keıin Korporatıvtik damý departamentiniń dırektory. 2004 jylǵy qarashadan 2005 jylǵy naýryzǵa deıin «K-MART» JShS bas dırektory mindetin birlese atqardy. 2005 jylǵy naýryz-mamyrda Almaty qalasy Medeý aýdany ákiminiń orynbasary, 2005 jylǵy mamyrdan 2006 jylǵy sáýirge deıin Almaty qalasy Jastar saıasatyn damytý qorynyń dırektory qyzmetterinde boldy. 2006 jyldyń sáýirinen 2008 jyldyń aqpanyna deıin Mádenıet jáne aqparat mınıstrligi qoǵamdyq-saıası jumys jáne qoǵammen baılanystar departamentiniń dırektory, al 2008 jylǵy aqpannan bastap 2010 jylǵy qańtarǵa deıin Mádenıet jáne aqparat mınıstrliginiń Mádenıet komıtetiniń tóraǵasy bolyp qyzmet etti. 2010 jyldyń qańtarynan 2012 jyldyń aqpana deıin Qaraǵandy oblysy ákiminiń orynbasary qyzmetin atqardy. 2012-2014 jyldary Qazaqstan Respýblıkasy Mádenıet jáne aqparat vıtse-mınıstri boldy. 2014-2015 jyldary – «Nur Otan» partııasy Tóraǵasynyń birinshi orynbasarynyń keńesshisi. 2015-2019 jyldary – Almaty qalasy ákiminiń orynbasary.

Qazirgi qyzmetin 2019 jyldyń jeltoqsan aıynan beri atqaryp keledi.




43 jyl buryn (1978) Semeı qalasynyń mamandandyrylǵan ákimshilik sotynyń tóraǵasy Eskendir Qaıyrbekuly ShYNYBAEV dúnıege keldi.

Qazirgi Shyǵys Qazaqstan oblysynda týǵan. 1999 jyly Qazaq memlekettik zań ýnıversıtetinde quqyqtaný magıstri dárejesn alǵan. Sonymen qatar Qazaq ınnovatsııalyq gýmanıtarlyq-zań ýnıversıtetin quqyqtaný mamandyǵy boıynsha támamdaǵan.

Eńbek joly: 2000 jyly Shyǵys Qazaqstan oblysy prokýratýrasynyń organdarynda jumys istegen. 2000-2014 jyldary túrli qyzmetterde, atap aıtqanda prokýratýra organdarynda jáne ekonomıkalyq jáne sybaılas jemqorlyqpen kúres jónindegi departamentte jetekshilik qyzmetter atqarǵan. 2014-2016 jyldary – Zyrıan aýdandyq sotynyń sýdıasy; 2016-2021 jyldary – Shemonaıha aýdandyq sotynyń tóraǵasy.

2021 jyldyń mamyrynan bastap qazirgi qyzmetinde.




38 jyl buryn (1983) Almaty qalasy prokýrorynyń birinshi orynbasary Berik Abyzbaıuly ADAMOV dúnıege keldi. Pavlodar oblysynda týǵan. Qazaq Gýmanıtarlyq-zań ýnıversıtetin, RF Bas prokýratýrasy Akademııasyn támamdaǵan.

Pavlodar qalasy prokýrorynyń kómekshisi, Astana qalasy Almaty aýdandyq prokýrorynyń aǵa kómekshisi, Astana prokýratýra basqarmasynyń prokýrory, QR Bas prokýratýrasy departamentiniń Birinshi bóliminde prokýror, Ekibastuz qalasynyń prokýrory, Almaty qalasy prokýrorynyń orynbasary qyzmetterin atqarǵan.

Qazirgi qyzmetin 2019 jyldyń sáýirinen beri atqaryp keledi.




34 jyl buryn (1987) Qazaqstan Respýblıkasy Mádenıet jáne sport mınıstrliginiń Mádenıet komıtetiniń tóraǵasynyń orynbasary Ǵanı Jumatbekuly MURATOV dúnıege kelgen.

Ońtústik Qazaqstan oblysynda (qazirgi Túrkistan) týǵan. 2007 jyly Birjan atyndaǵy Mýzykalyq kolledjdi vokaldyq óner, akademııalyq án aıtý ártisi mamandyǵy boıynsha bitirip, 2011 jyly Qazaq ulttyq óner ýnıversıtetin ónertaný magıstrin alǵan.

Eńbek joly: 2013 jyly – «Qazaq ulttyq óner ýnıversıteti» RMM-niń kontserttik jumys jónindegi bóliminiń kontserttik menedjeri, «Astana sazy» RMQK-niń shyǵarmashylyq bóliminiń hor jetekshisi mamany; Qazaqstan Respýblıkasy Mádenıet jáne sport mınıstrliginiń Mádenıet jáne óner departamentiniń mýzykalyq óner basqarmasynyń bas sarapshysy, Qazaqstan Respýblıkasy Mádenıet jáne sport mınıstrliginiń Mádenıet jáne óner departamentiniń mýzykalyq óner basqarmasynyń jetekshisi, Qazaqstan Respýblıkasy Mádenıet jáne sport mınıstrliginiń Mádenıet jáne óner departamenti dırektorynyń orynbasary.

2021 jyldyń shildesinen bastap qazirgi qyzmetinde.


Basty sózder: Qoǵam, Kúntizbe,
Joǵary qaraı