Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

2 jeltoqsan. Týǵan kún ıeleri

2020 jyldyń 2 jeltoqsan 2020 08:08

NUR-SULTAN. QazAqparat – QazAqparat 2 jeltoqsanǵa arnalǵan «Týǵan kún ıeleri» kúntizbesin usynady.

ESІMDER




60 jyl buryn (1960) Qazaqstan Respýblıkasynyń Iran Islam Respýblıkasyndaǵy Tótenshe jáne ókiletti elshisi Ashat Tutqyshbaıuly ORAZBAI dúnıege keldi.

Qyrǵyz Respýblıkasynyń Frýnze (qazirgi – Bishkek) qalasynda týǵan. Tashkent memlekettik ýnıversıtetiniń shyǵys tilderi fakýltetin bitirgen. 1985-1990 jyldary - Qazaq KSR Mádenıet mınıstrligi Teleradıo komıtetiniń redaktory. 1990-1992 jyldary - ál-Farabı atyndaǵy Qazaq Ulttyq ýnıversıtetiniń Shyǵystaný fakýltetiniń oqytýshysy, fakýltet dekanynyń orynbasary. 1992-1994 jyldary - Qazaqstan Respýblıkasynyń Syrtqy ister mınıstrligi Taıaý Shyǵys departamentiniń ekinshi hatshysy, Qazaqstan Respýblıkasynyń Syrtqy ister mınıstriniń kómekshisi. 1994-1999 jyldary - Qazaqstan Respýblıkasynyń Iran Islam Respýblıkasyndaǵy elshiliginiń birinshi hatshysy, keńesshisi. 1999-2001 jyldary - Qazaqstan Respýblıkasy Syrtqy ister mınıstrligi ekijaqty yntymaqtastyq departamenti dırektorynyń orynbasary. 2001-2002 jyldary - BUU arnaıy mıssııasynyń Islamabad qalasyndaǵy Aýǵanstan jónindegi saıası keńesshisi. 2002-2003 jyldary - Qazaqstan Respýblıkasy Syrtqy ister mınıstrligi Afrıka, Taıaý Shyǵys jáne Azııa departamentiniń dırektory. 2003-2006 jyldary - Qazaqstan Respýblıkasy Syrtqy ister mınıstrliginiń arnaıy tapsyrmalar jónindegi elshisi, Ekonomıkalyq yntymaqtastyq uıymynyń bas hatshysy. 2006-2008 jyldary - Qazaqstan Respýblıkasy Syrtqy ister mınıstrliginiń arnaıy tapsyrmalar jónindegi elshisi, Qazaqstan Respýblıkasynyń Shanhaı yntymaqtastyq uıymyndaǵy qyzmet jónindegi ulttyq úılestirýshisi qyzmetterin atqarǵan. 2008-2012 jyldary - Túrikmenstandaǵy Qazaqstan Respýblıkasynyń Tótenshe jáne Ókiletti elshisi. 2012 jyldan bastap Qazaqstan Respýblıkasynyń Indonezııadaǵy Tótenshe jáne ókiletti elshisi boldy. 2015 jyldan bastap Qazaqstan Respýblıkasynyń Fılıppın Respýblıkasyndaǵy Tótenshe jáne ókiletti elshisi laýazymyn qosa atqarýshy. Qazirgi qyzmetinde 2019 jyldyń qańtarynan bastap. «Jaýyngerlik erligi úshin», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Eren eńbegi úshin», «Astananyń 10 jyldyǵy» medaldarymen, QR Qurmet gramotasymen marapattalǵan. QR Prezıdentiniń alǵys hatyn alǵan.




49 jyl buryn (1971) Qazaqstan Respýblıkasy Prezıdentiniń buqaralyq aqparat quraldary salasyndaǵy syılyǵynyń laýreaty, Qazaqstannyń mádenıet qaıratkeri, tanymal jýrnalıst, telejúrgizýshi Bıbigúl Nurǵalıqyzy JEKSENBAI dúnıege kelgen.

Shyǵys Qazaqstan oblysynda týǵan. Ál-Farabı atyndaǵy Qazaq memlekettik ýnıversıtetin jýrnalıstıka mamandyǵy boıynsha; Qazaq memlekettik ýnıversıtetiniń janyndaǵy Abylaıhan atyndaǵy halyqaralyq qatynastar jáne álem tilderi ınstıtýtyn qujat júrgizý isi jáne basqarýdy qujattamalyq qamtamasyz etý mamandyǵy boıynsha bitirgen, Halyqaralyq Bıznes Akademııasynyń bıznes basqarý magıstri. Eńbek joly: «Sport» respýblıkalyq gazetinde tilshi (1992-1993); respýblıkalyq qoǵamdyq-saıası «Jas Alash» gazetinde tilshi (1993-1994); «Atamura» aptalyq gazetiniń tilshisi (1994-1996); «Habar» agenttiginiń Astana qalasy boıynsha ortalyq bıýrosynda redaktor, tilshi, prodıýser, dırektor orynbasary (1996-2007); «Qazaqstan» tele-radıo korporatsııasynda aqparattyq baǵdarlamalar dırektsııasy dırektorynyń orynbasary, aqparattyq-taldaý baǵdarlamalary dırektsııasynyń dırektory (06.2007-12.2007); «Qazaqstan» RTRK ulttyq televıdenıesi bas dırektorynyń orynbasary (2007-2008); «Era» telearnasynyń bas dırektorynyń orynbasary-bas redaktory (2008-2010); «Jetinshi arna» telearnasynyń bas dırektory (2010-2011); «Jetinshi arna» Dırektorlar keńesiniń tóraıymy (2011-2016). «Qurmet» ordeni, BAQ salasyndaǵy Qazaqstan Respýblıkasynyń Prezıdenti syılyǵynyń laýreaty, «Qazaqstan Táýelsizdiginiń 10 jyldyǵy», «Qazaqstan Respýblıkasynyń Parlamentine 10 jyl», «Astananyń 10 jyldyǵy» merekelik medaldarymen marapattalǵan jáne «Mádenıet qaıratkeri» ataǵynyń ıegeri, «Jyl adamy-2006» ataǵynyń ıegeri.




48 jyl buryn (1972) Qazaqstan Respýblıkasy Prezıdentiniń janyndaǵy Qazaqstan Strategııalyq zertteýler ınstıtýty dırektorynyń orynbasary Sanat Qaıyrslamuly KÓShKІMBAEV dúnıege kelgen.

Ol saıasattaný mamandyǵy boıynsha ál-Farabı atyndaǵy Qazaq Ulttyq ýnıversıtetin (1996); ál-Farabı atyndaǵy QazUÝ aspırantýrasyn (1999); ál-Farabı atyndaǵy QazUÝ doktorantýrasyn (2007) bitirgen. Eńbek joly: D.A. Qonaev atyndaǵy gýmanıtarlyq ınstıtýttyń oqytýshysy (1996-1997 jyldary); Qazaqstan damý ınstıtýtynyń ǵylymı qyzmetkeri (1997-1998 jyldary); R.B. Súleımenov atyndaǵy shyǵystaný ınstıtýtynda halyqaralyq qatynastardyń keshendik máseleleri bóliminiń meńgerýshisi, ınstıtýt dırektorynyń orynbasary (1999-2005 jyldary); QR Prezıdentiniń janyndaǵy QSZI dırektorynyń birinshi orynbasary (qańtar 2006- sáýir 2009); QR SІM Syrtqy saıası taldaý jáne boljaý komıteti tóraǵasynyń orynbasary (2009 jylǵy sáýir - qyrkúıek); QR Prezıdentiniń janyndaǵy QSZI-dyń bas ǵylymı qyzmetkeri (qazan 2009); 2014 jyldyń shildesinen bastap QR Prezıdentiniń janyndaǵy QSZI dırektorynyń orynbasary; 2001 jyly Áleýmettik ǵylymdardyń joǵarǵy mektebi (EHESS, Parıj) Dıdro baǵdarlamasy boıynsha mashyqtanýshy; 2003 jyly (qyrkúıek-qarasha) Strategııalyq zertteýlerdiń Eýrazııalyq ortalyǵynyń arnaıy shaqyrylǵan zertteýshisi (Ankara, Túrkııa); 2005 jyly (naýryz) Halyqaralyq zertteýler jónindegi Hankýk ýnıversıtetiniń sheteldik zertteýshisi (Seýl, Ońtústik Koreıa). Qazirgi laýazymyn 2014 jyldan beri atqarady.


Basty sózder: Qoǵam,
Joǵary qaraı