Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2 tamyzdan bastap Nur-Sultanda karantındik sharalar kúsheıtiledi

2021 jyldyń 30 shilde 2021 23:33

NUR-SULTAN. QazAqparat - Nur-Sultan qalasynda shekteý jáne karantındik sharalaryn qatańdatý týraly jańa qaýly jarııalandy, dep habarlaıdy QazAqparat.

Qujat Nur-Sultan qalasyndaǵy epıdemıologııalyq jaǵdaıdyń nasharlaýyn jáne qoıý-qyzyl aımaqqa ótýin eskere otyryp qabyldanǵan.

Jarııalanǵan qujat boıynsha, elordadaǵy obektilerdiń «Ashyq» jobasyna qatysýyna qaramastan, buqaralyq is-sharalardy, marafondardy, sporttyq, otbasylyq, estelik is-sharalardy qosa alǵanda, onyń ishinde úıde (banketter, úılený toılary, mereıtoılar, eske alý jáne t. b.) ótkizýge jáne olarǵa qatysýǵa tyıym salynady.

Sonymen qatar, qaýly mátinine sáıkes meıramhana, dámhana, kofehanalar, ashanalar tıpi boıynsha qoǵamdyq tamaqtaný obektileriniń jumysyn, ornalasqan jerine qaramastan, kúsheıtilgen sanıtarııalyq-epıdemııaǵa qarsy, sanıtarııalyq-profılaktıkalyq is-sharalardy saqtaı otyryp, tek qana taǵamdy shyǵarý men jetkizý (shtattyq rejımde) jáne «Ashyq» jobasyna qatysatyn obektiler úshin jumys kúnderi saǵat 07.00-den 20.00-ge deıin jumys kestesi belgilenetin, úı-jaı ishinde 50%-ǵa deıin toltyrýmen, biraq 50-den aspaıtyn otyratyn oryn sanymen jáne ashyq aýada (jazǵy zalda)50-den aspaıtyn otyratyn oryn sanymen,kórshi ústelderdiń shetki oryndary arasynda keminde 2 metr áleýmettik qashyqtyqty saqtaı otyryp senbi jáne jeksenbi kúnderi jumystaryna tyıym salýmen uıymdastyrý (tamaqty jetkizý jáne shyǵarý shtattyq rejımde);

«Ashyq» jobasyn iske asyratyn kásipkerlik obektiler tizimin de keńeıtilmek.

Atalǵan qaýly 2021 jylǵy 2 tamyzda saǵat 00:00-den bastap kúshine enedi.

Qaýlynyń tolyq mátinin myna jerden oqýǵa bolady.



Joǵary qaraı