Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2 tamyz. QazAqparat kúntizbesi

2021 jyldyń 2 tamyz 2021 07:00

NUR-SULTAN. QazAqparat - QazAqparat oqyrmandaryna 2021jylǵy 2 tamyzǵa arnalǵan kúntizbesin usynady.

ESTE QALAR OQIǴALAR

2007 jyly Seýlde Qazaqstan halqy Assambleıasynyń tusaýkeser rásimi ótti. Atalmysh sharaǵa kórnekti qoǵam jáne saıası qaıratkerler, eldiń akademııalyq jáne isker toptarynyń ókilderi qatysty. Shara aıasynda «N.Á.Nazarbaev - etnıkaaralyq jáne ultaralyq kelisimniń qazaqstandyq úlgisiniń negizin qalaýshy», «N.Á.Nazarbaev. Beıbitshilik pen kelisim saıasaty» atty káris tilindegi eki kitaptyń tusaýkeser rásimi ótti. Shara elimizdiń estrada maıtalmandary «Ulytaý» toby jáne «Naz» bı ansambliniń án shashýymen aıaqtaldy.

2016 jyly Astanada belgili sportshy, eń kóp tıtýlǵa ıe polıtsııa polkovnıgi, ІІM qurama komandasynyń kapıtany Serik Nurǵalıevke «Qazaqstanda polıtseı baýyrmaldyǵy ıdeıasyn ilgeriletkeni úshin» medali tabystaldy. Zapastaǵy polıtsııa polkovnıgi Serik Nurǵalıev Qazaqstannyń eńbek sińirgen sport sheberi, álemniń on márte chempıony jáne rekordshysy, quqyq qorǵaý organdary arasyndaǵy Eýropa chempıony, quqyq qorǵaý organdary arasyndaǵy álemdik birinshilikterdiń 31 altyn, 5 kúmis jáne 3 qola medaldarynyń ıegeri.

2016 jyly Birikken Ulttar Uıymy esebiniń málimetterine sáıkes Qazaqstan elektrondyq úkimetti damytý boıynsha Azııa elderi arasynda 7-orynǵa ıe boldy. Bul rette BUU jahandyq reıtınginde TMD-daǵy barlyq elderden ozyp, Qazaqstan 33-shi satyǵa ornalasty.

BUU elektrondyq úkimetti damytý ındeksi – azamattarǵa memlekettik qyzmet kórsetý úshin aqparattyq-kommýnıkatsııalyq tehnologııalardy paıdalaný múmkindigin jáne ázirligin baǵalaıtyn keshendi kórsetkish.

2016 jyly Nıý-Iorktegi BUU shtab-páterinde Qazaqstan Respýblıkasy Klımat jónindegi Parıj kelisimine qol qoıdy. Parıj kelisimi – BUU-nyń Klımat ózgerýi jónindegi konventsııasy aıasyndaǵy 2020 jylǵa qaraı atmosferaǵa shyǵarylatyn kómirqyshqyl gazyn azaıtýǵa baǵyttalǵan qujat. Parıj kelisimine 175 el qol qoıdy.

2019 jyly Túrkistan oblysynda «Rýhanı jańǵyrý» baǵdarlamasy aıasynda «Tarıhy tereń Túrkistan» atty aqparattyq týry ótti.

Jobanyń maqsaty – óńirdegi kıeli oryndar tizimine engen nysandardy tanystyrý, nasıhattaý, tanymaldyǵyn arttyrý, tarıhı sanany jańǵyrtý jáne ishki týrızmdi damytý.

BAQ ókilderi men áleýmettik jeli belsendileri baspasóz týry aıasynda óńirdegi 40 kıeli orynǵa saıahat jasap, jurtshylyqqa nasıhattady.


Basty sózder: Kúntizbe,
Joǵary qaraı