Aýa raıy
Astana 20 °S
Almaty 26 °S
valıýta baǵamy
USD 412.55
EUR 468.66
RUB 5.79
CNY 58.80

2 shilde. Týǵan kún ıeleri

2020 jyldyń 2 shilde 2020 08:08

NUR-SULTAN. QazAqparat - QazAqparat oqyrmandaryna 2 shildege arnalǵan «Týǵan kún ıeleri» kúntizbesin usynady.

ESІMDER




78 jyl buryn (1942) Qazaqstannyń jáne Qyrǵyz Respýblıkasynyń halyq aqyny Muhtar ShAHANOV dúnıege keldi.

Ońtústik Qazaqstan oblysy Otyrar aýdany Shilik aýylynda týǵan. Jeti jyldyq mektepti bitirgen soń, traktordyń tirkeýshisi, oblystyq «Ońtústik Qazaqstan» gazetinde korrektor, ádebı qyzmetker, «Lenınshil jas» gazetinde ońtústik oblystar boıynsha menshikti tilshi, Qazaqstan Jazýshylar odaǵy basqarmasynyń hatshysy, respýblıkalyq «Jalyn» jýrnalynyń bas redaktory, t.b. qyzmetter atqardy. KSRO halyq depýtaty, KSRO Joǵarǵy Keńesiniń múshesi, QR Halyq depýtaty boldy. 1993-2003 jyldary Qazaqstan Respýblıkasynyń Qyrǵyz Respýblıkasyndaǵy Tótenshe jáne Ókiletti Elshisi qyzmetinde boldy. 2003-2004 jyldary «Jalyn» jýrnalynyń bas redaktory, álem oıshyldarynyń basyn biriktiretin «HHІ ǵasyr jáne Rýhanııat» atty halyqaralyq elıta klýbynyń prezıdenti. 2004 jyly QR Parlamenti Májilisiniń depýtaty boldy.

Kóptegen óleń kitaptarynyń jáne halyq arasyna keń taraǵan birqatar ánderdiń avtory. Balladalary men poemalary dúnıe júzi halyqtarynyń 20-dan astam tiline aýdarylǵan. «Mahabbat zańy», «Senim patshalyǵy», «Sokratty eske alý túni» atty dramalary respýblıkamyzda jáne shetel teatrlarynda qoıylǵan. Sh.Aıtmatovpen birlesip jazǵan «Quz basyndaǵy ańshynyń zary» atty esse kitaby men «Sokratty eske alý túni» dramasy kóptegen tilderge aýdarylǵan. «Shyńǵys hannyń pendelik qupııasy» dramalyq týyndysy negizinde Ýkraınanyń Dovjenko atyndaǵy kınostýdııasy eki serııaly telefılm shyǵardy. «Ýaqyt bederleri», «Zerde kitaby» atty jınaqtary orys tilinde shyqty. Qyrǵyz Respýblıkasynyń Halyq aqyny (1994), Qazaqstan Respýblıkasynyń Halyq jazýshysy (1996), BUU Qorshaǵan orta baǵdarlamasy syılyǵynyń, Qazaqstan jáne Búkilodaqtyq Lenın komsomoly syılyqtarynyń, Túrik Respýblıkasynyń «Túrik dúnıesine qyzmeti úshin» halyqaralyq syılyǵynyń jáne Qyrǵyz Respýblıkasy halyqaralyq «Rýhanııat», túrik dúnıesi jazýshylar birlestiginiń «Shahrııar», ıÝNESKO-nyń «Boorýker» klýby syılyqtarynyń ıegeri. 2002 jyly «Jazager jady kosmoformýlasy» shyǵarmasy úshin Kalıfornııa Ǵylym, ındýstrııa, bilim jáne óner akademııasynyń A.Eınshteın atyndaǵy altyn medali, Túrkııanyń Gebze qalasynda «Túrki tildes halyqtar arasyndaǵy eń úzdik álem aqyny» syılyǵy berilgen. «Tyń jáne tyńaıǵan jerlerdi ıgergeni úshin», «Eńbektegi erligi úshin» medaldarymen marapattalǵan.




51 jyl buryn (1969) Qazaqstan Respýblıkasynyń Germanııa Federatıvtik respýblıkasyndaǵy Tótenshe jáne Ókiletti Elshisi Dáýren Aıtbaıuly KÁRІPOV dúnıege keldi.

Taldyqorǵan oblysynda dúnıege keldi. Abylaıhan atyndaǵy Qazaq memlekettik álem tilderi ýnıversıtetin bitirgen (1994).

Eńbek joly: QR Kólik jáne kommýnıkatsııalar mınıstrliginiń mamany (1994-1995), QR Syrtqy ister mınıstrligi konsýldyq qyzmet departamentinde referent, attashe, úshinshi hatshy, ekinshi hatshy qyzmetinde (1995-1998), Qazaqstan Respýblıkasynyń Germanııa Federatıvtik respýblıkasyndaǵy Elshiliginde úshinshi hatshy (1998-2001), Qazaqstan Respýblıkasy Syrtqy ister mınıstrligi konsýldyq qyzmet departamentinde ekinshi hatshy (2001-2003), Qazaqstan Respýblıkasynyń Frankfýrt-na-Maınede (GFR) Bas konsýldyǵynyń úshinshi hatshysy, vıtse-konsýl, bas konsýldyqtyń konsýly (2003-2007), Qazaqstan Respýblıkasy Syrtqy ister mınıstrligi konsýldyq qyzmet departamenti basqarmasynyń basshysy (2007-2008), Qazaqstan Respýblıkasynyń Shveıtsarııa Konfederatsııasyndaǵy Elshiliginiń keńesshisi (2008-2012), Qazaqstan Respýblıkasy Syrtqy ister mınıstrligi konsýldyq qyzmet departamentiniń keńesshisi (2012-2013), Qazaqstan Respýblıkasynyń GFR-daǵy Elshiliginiń keńesshisi (2013-2014), Qazaqstan Respýblıkasynyń Germanııa Federatıvtik Respýblıkasyndaǵy Elshiliginiń keńesshi ýákili (2014-2016), Qazaqstan Respýblıkasynyń Frankfýrt-na-Maıne qalasyndaǵy bas konsýly (2016-2019).

Qazirgi qyzmetinde – 2019 jyldyń maýsym aıynan bastap.




49 jyl buryn (1971) Ulttyq táýelsiz emtıhan alý ortalyǵy basqarmasynyń tóraıymy Gúlmıra Tóreǵalıqyzy JANGEREEVA dúnıege keldi.

Aqtóbe memlkettik medıtsına ýnıversıtetin emdik is mamandyǵy boıynsha bitirgen (1994); Danubius ýnıversıteti, áleýmettik jumys (2018). «TPK Dına» JShS bas sanıtar dárigeri (2002-003); Atyraý qalasynyń temirjol aýrýhanasynda bas dárigerdiń emdeý isi jónindegi orynbasary (2003-2005); «Astana qalasynyń táýelsiz medıtsınalyq sarapshylar qaýymdastyǵy» QB basqardy (2005-2012); QR DSM «Respýlıkalyq densaýlyq saqtaýdy damytý ortalyǵy» RMK-nyń Bilim men daǵdydardy baǵalaý ortalyǵy respýlıkalyq uıymyna jetekshilik jasaıdy (2012-2017). 2017 jyldan bastap qazirgi qyzmetinde.




47 jyl buryn (1973) Qazaqstan Respýblıkasynyń Reseı Federatsııasyndaǵy Elshiliginiń elshi-keńesshisi Erkin Valıthanuly TUQYMOV dúnıege keldi.

Ózbekstanda, Termiz qalasynda týǵan. 1997 jyly Varshama halyqaralyq qatynastar ınstıtýtyn úzdik bitirip, 2004 jyly QR Ǵylym akademııasynyń Fılosofııa jáne saıasattaný ınstıtýtynyń aspırantýrasyn tamamdady. Eńbek jolyn 1997 jyly QR Prezıdenti janyndaǵy Qazaqstan strategııalyq zertteýler ınstıtýty syrtqy saıası zertteýler bóliminiń aǵa ǵylymı qyzmetkeri retinde bastady. 2000-2005 jyldary QSZI syrtqy saıasat bóliminiń meńgerýshisi. 2005-2007 jyldary Ortalyq Azııa demokratııany damytý qorynyń bas dırektory boldy. 2007-2008 jyldary QR Prezıdenti ákimshiliginde aqparattyq-taldaý ortalyǵynyń strategııalyq taldaý sektorynyń meńgerýshisi, Strategııalyq ázirlemeler jáne taldaý ortalyǵynyń strategııalyq halyqaralyq yqpaldastyq sektorynyń meńgerýshisi qyzmetterin atqardy. 2008 jyldyń maýsymynda QR Syrtqy ister mınıstrligi Ortalyq Azııa departamenti dırektorynyń orynbasary, keıinnen departament dırektory boldy. 2010 jylǵy qańtar aıynda Qazaqstan Respýblıkasy Qaýipsizdik Keńesi Taldaý bóliminiń meńgerýshisi boldy. Qazaqstannyń Qazandaǵy bas konsýly laýazymyna 2018 jyly taǵaıyndaldy. 2019 jyldan beri qazirgi qyzmetinde.

Dıplomatııalyq dárejesi - Qazaqstan Respýblıkasy Syrtqy ister mınıstrliginiń ІІ synypty keńesshisi. «Eren eńbegi úshin», «Qazaqstan Respýblıkasynyń táýelsizdigine 20 jyl» medaldarymen marapattalǵan.


Basty sózder: Kúntizbe,
Joǵary qaraı