Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

2 naýryz. Týǵan kún ıeleri

2021 jyldyń 2 naýryz 2021 08:08

NUR-SULTAN. QazAqparat – Búgin, ıaǵnı 2 naýryz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




83 jyl buryn (1938-2007) Qazaqstannyń halyq ártisi, Qazaqstan men Qyrǵyzstannyń eńbek sińirgen óner qaıratkeri, Memlekettik jáne Jastar syılyqtarynyń jáne táýelsiz «Tarlan» syılyǵynyń laýreaty, professor Raıymbek Noǵaıbaıuly SEITMET dúnıege keldi.

Ońtústik Qazaqstan oblysynyń Túrkistan qalasynda týǵan. Almaty memlekettik óner ınstıtýtyn bitirgen.

1970-1971 jyldary Máskeýdegi Memlekettik teatr óneri ınstıtýty janyndaǵy joǵary rejısserler kýrsynda oqyǵan.

1959-1960 jyldary – «Qazaqfılm» kınostýdııasynyń akteri. 1960-1980 jyldary – Qazaq memlekettik akademııalyq drama teatrynyń akteri, dırektory.

1980-1982 jyldary Qazaq KSR Mádenıet mınıstrligi Óner isteri basqarmasynyń bastyǵy.

1982-1995 jyldary Qazaq memlekettik akademııalyq jastar men balalar teatrynyń bas rejısseri ári kórkemdik jetekshisi bolǵan.

1995 jyldan ómiriniń sońyna deıin ıAsaýı atyndaǵy Halyqaralyq qazaq-túrik ýnıversıtetiniń «Óner» kafedrasyn basqarǵan.

Sahnalyq óner jolynda Áýbákir (Q. Baıseıitov, Q. Shańǵytbaev «Beý, qyzdar-aı»), Arystan, Suńǵat (Q.Muhamedjanov «Bóltirik bórik astynda», «Qudaǵı kelipti»), Qozy (Ǵ. Músirepov «Qozy Kórpesh – Baıan sulý»), Ábish (M. Áýezov, L. Sobolev «Abaı»). Shoqan (S. Muqanov «Shoqan Ýálıhanov»), Jaınaq (Sh. Aıtmatov «Ana - Jer-ana»), Kochkarev (N. Gogol «Úılený»), Lıýchentsıo, Kassıo (Ý. Shekspır «Asaýǵa tusaý», «Otello») sekildi ár alýan rólderdi oınaýda oryndaýshylyq sheberligimen kózge tústi.

Ol rejısserlik qyzmetpen de shuǵyldanyp, Qazaq memlekettik akademııalyq drama teatrynda B. Maılınniń «Neke qııar», Á. Tarazıdiń «Joly bolǵysh jigit», Qazaq memlekettik akademııalyq jastar men balalar teatrynda Áýezovtiń «Alýa», T.Ábdiktiń «Biz úsheý edik», Ǵ.Músirepovtiń «Aqan seri - Aqtoqty», Sh.Murtazanyń «Stalınge hat», «Beseýdiń haty», O.Súleımenov pen B.Muqaıdyń «Zamanaqyr» jáne basqa týyndylardy qoıǵan.




69 jyl buryn (1952) tanymal telejýrnalıst, Qazaqstan Jýrnalıster odaǵynyń laýreaty Tileýqabyl MYŃJASAR dúnıege keldi.

Túrkistan qalasynda týǵan. 1975 jyly Ál-Farabı atyndaǵy Qazaq Ulttyq ýnıversıtetiniń jýrnalıstıka fakýltetin bitirgen.

1975 jyly Qazaq jasóspirimder televıdenıesinde alǵashqy habary efırge shyqty. «Habar» agenttiginde qurylǵan kúnnen bastap jumys isteıdi. 1998 jyldan - telearnanyń Almaty oblysy boıynsha menshikti tilshisi.

«Eńbekte úzdik shyqqany úshin» medalimen, Qazaqstan Prezıdentiniń alǵyshatymen marapattalǵan. Qazaqstan jýrnalıster odaǵynyń laýreaty, Almaty oblysynyń qurmetti azamaty. «Habar» agenttiginiń altyn mıkrofonynyń ıegeri.




52 jyl buryn (1969) Almaty qalasy ákiminiń orynbasary Erjan Jalbaquly BABAQUMAROV dúnıege keldi.

Taldyqorǵan oblysy Qarabulaq kentinde týǵan. Qazaq memlekettik ýnıversıtetin jáne aspırantýrasyn bitirgen.

Qazaqstan damý ınstıtýtynyń bólim meńgerýshisi, Saıası zertteýler ortalyǵynyń dırektory, Almaty qalasy ákimdigi apparatynyń bas mamany qyzmetterin atqarǵan.

1996-2006 jyldary – Qazaqstan Respýblıkasy Prezıdenti Ákimshiliginiń aǵa referenti, konsýltanty, sektor meńgerýshisi, bólim meńgerýshisiniń orynbasary, Áleýmettik saıası bóliminiń bas ınspektory, Aqparattyq-taldama ortalyǵynyń meńgerýshisi, QR Prezıdenti Ákimshiligi Aqparattyq taldaý bóliminiń meńgerýshisi.

2006-2008 jyldary Qazaqstan Respýblıkasy Mádenıet, aqparat jáne sport vıtse-mınıstri, Qazaqstan Respýblıkasy Mádenıet jáne aqparat mınıstrliginiń jaýapty hatshysy bolǵan.

2008-2012 jyldary – QR Premer-Mınıstriniń Keńsesi basshysynyń orynbasary, 2012 jylǵy qazannan 2016 jylǵa deıin Ortalyq kommýnıkatsııalar qyzmetiniń basshysy boldy; QR Premer-Mınıstri keńsesi basshysynyń orynbasary (2016-2018). 2018-2019 jyldary – Qazaqstan Respýblıkasy Prezıdenti Ákimshiliginiń Taldaý jáne boljamdaý ortalyǵynyń meńgerýshisi.

2019 jyldyń sáýir-shilde aılarynda QR Prezıdentiniń keńesshisi boldy.

Saıasattaný ǵylymdarynyń kandıdaty, Saıasattaný ǵylymdary akademııasynyń akademıgi, Qazaqstan saıası ǵylymdar qaýymdastyǵynyń múshesi. «Qurmet» ordenimen, medaldarmen marapattalǵan.

Qazirgi laýazymyn atqarýǵa 2019 jyldyń shilde aıynda kiristi.


Basty sózder: Kúntizbe,
Joǵary qaraı