Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2 myńnan astam almatylyq oqýshy onlaınnan dástúrli oqytý formatyna aýysty

2021 jyldyń 15 qyrkúıek 2021 18:15

ALMATY. QazAqparat - 2 myńnan astam almatylyq oqýshy onlaın formattan dástúrli oqytý formatyna oraldy. Bul týraly QazAqparat BǴM silteme jasap habarlaıdy.

Esterińizge sala keteıik, jańa oqý jylynyń basynda Almatydaǵy epıdemıologııalyq jaǵdaıǵa baılanysty ata-analarǵa oqytý formatyn tańdaý múmkindigi berildi. Sol kezde bilim alýshylardyń arasynda onlaın formatty tańdaǵandardyń sany az boldy. ıAǵnı, oqýshylardyń tek 5,6%-y, ıaǵnı 300 myńnan astam oqýshynyń tek 17 myńnan kem emes bóligi onlaın formatta oqýǵa nıetti boldy.

Epıdahýaldyń jaqsarýyn baqylaı otyryp, eki myńnan astam oqýshynyń ata-anasy qashyqtan oqytý formatynan bas tartyp, balalaryn mektepke jiberdi.
«Meniń nemerem bıyl birinshi synypqa bardy. Oryn alǵan epıdjaǵdaıǵa alańdap, onlaın oqytý formatyn tańdadyq. Alaıda, nemerem úıde otyrmaı, synyptastarymen jáne muǵalimdermen aralasqysy keledi. Báribir de, balalarymyz kóshede oınap, dúkenge jáne qonaqqa barady, úıirmelerge qatysady. Sondyqtan biz dástúrli oqytý formatyn tańdadyq. Biz qashyqtan bilim alatyn bala erinshektik tanytyp, nazary basqa nárselerge aýatynyn, qosymsha basqa da istermen aınalysatynyn ári oqý materıalyn jetkiliksiz deńgeıde meńgeretinin túsindik. Pandemııa qashan aıaqtalatyny belgisiz. Іndettiń aıaqtalýyn kútip, bilim sapasyn joǵaltyp almaǵanymyz mańyzdy», – dep atap ótti Almaty qalasynyń turǵyny Gúlbahar Valıeva.
Ata-ana Gúlınur Asanova dástúrli oqytý formatyn tolyq qoldaıdy jáne basqa da ata-analarǵa balalardy oflaın oqytýǵa keńes beredi.
« Meniń balalarym №101 mektep-gımnazııasynda dástúrli formatta bilim alady. Biz basqa balalardyń mektepke baryp júrgenin, sanıtarlyq normalar barynsha qamtamasyz etilip jatqanyn kórip otyrmyz. Sondyqtan biz balalardy óz qurdastarynan qalyp qalmaýlary úshin olardy mektepke jiberýge sheshim qabyldadyq « , – dep atap ótti ata-ana Gúlınur Asanova.
Almaty qalasy ákimdigi bilim basqarmasynyń basshysy Lázzat Jylqybaeva qalada 300-ge jýyq mektep bar ekenin atap ótti. Oqýshylardyń jalpy sany boıynsha balalardyń syrqattaný paıyzy oqý jyly bastalǵanǵa deıingi syrqattaný deńgeıimen salystyrǵanda birneshe ese tómen. Mektepterde balalardyń densaýlyǵyn qorǵaýdy qamtamasyz etý úshin keshendi sanıtarlyq sharalar qabyldandy. Ikemdi sabaq kestesi qurylyp, bastaýysh, orta jáne joǵary synyp oqýshylary úshin qosymsha aýysymdar men ártúrli ýaqytta úzilister uıymdastyryldy. Oqýshylardyń bir kabınetten ekinshi kabınetke aýysýyna tyıym salyndy. Sabaqtar «bir synyp – bir kabınet» qaǵıdaty boıynsha júrgiziledi. Muǵalimder men ata-analar arasynda sanıtarlyq talaptardy saqtaý boıynsha túsindirý jumystary júrgizilip jatyr.


Joǵary qaraı