Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

2 myńnan asa qazaqstandyq onlaın qurban shaldy

2021 jyldyń 20 shilde 2021 20:10

NUR-SULTAN. QazAqparat – Qurban aıt meıramynda Qazaqstanda onlaın qurbandyqqa tapsyrys berýshilerdiń sany artty. Bul týraly Qazaqstan Musylmandary dinı basqarmasynyń tóraǵasy, elimizdiń Bas múftıi Naýryzbaı Qajy Taǵanuly málim etti, dep habarlaıdy QazAqparat tilshisi.

Qazaqstan Musylmandary dinı basqarmasynyń málimetine súıensek, el boıynsha 2500 adam onlaın qurbandyq shalýǵa tapsyrys bergen jáne bul túske deıingi ǵana kórsetkish. Qurbandyq shalýdyń jańa formatyn tańdap, tapsyrys berýshilerdiń sany artyp keletin kórinedi.

Búgin elimizdiń bas múftıi elorda mańyndaǵy qurbandyq shalýǵa arnalǵan oryndardy aralap, onyń barysyn baqylap shyqty. Ár tapsyrysty Qazaqstan Musylmandary dinı basqarmasynyń ókilderi resmı tirkep, onyń oryndalýyn basqarma mamandary jiti qadaǵalaıdy.

«Qazaq eli árqashan da qurbandyq shalǵan, bul dástúrimizge saı qalyptasqan dúnıe. Kez kelgen kisi saparda nemese syrtta júrse de bul dástúrdi umytpaǵan. Degenmen qazirgi ýaqytta qalalyq turǵyndarǵa kishkene qıynǵa soǵady ıaǵnı qala syrtyndaǵy mal bazarǵa barýy kerek, mal tańdaýy tıis degen sııaqty. Osy oraıda qurbandyq shalyp, qol ushyn sozamyn degen jandar ony onlaın túrde iske asyra alady. Sonymen qatar onlaın qurbandyq shalý dástúrin biz áli de jetildire túsemiz jáne ony aldaǵy ýaqytta tek Qurban aıt meıramynda ǵana emes kez kelgen sátte qoldaný múmkindigi bolady. Jalpy baıqaǵanymyzdaı onlaın qurbandyqqa tapsyrys berýshilerdiń sany artyp keledi», - dedi elimizdiń Bas múftıi Naýryzbaı Qajy Taǵanuly.

Onyń aıtýynsha, onlaın qurbandyq shalýǵa tapsyrys kóbinese Nur-Sultan men Almaty qalalarynan túsip jatyr. Jalpy onlaın qurbandyq shalý tájirıbesi Túrkııa, BAÁ jáne Malaızııa elderinde keńinen taralǵan.


Avtor Álı Ibraev
Basty sózder: Dinı basqarma, Din, Qurban aıt,
Joǵary qaraı