Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

جانىبەك ءالىمحان ۇلى 18 نوكاۋتى بار بۇرىنعى الەم چەمپيونىمەن جەكپە-جەككە شىعادى

2021 jyldyń 12 mamyr 2021 20:43

نۇر-سۇلتان. قازاقپارات - ورتا سالماقتاعى قازاقستاندىق بوكسشى جانىبەك ءالىمحان ۇلى (9-0، 5 ك و) WBA ۇيىمىنىڭ بۇرىنعى چەمپيونى امەريكالىق روب برانتپەن (26-2، 18 ك و) جۇدىرىقتاسۋى مۇمكىن.

بۇل تۋرالى Vesti.kz تىلشىسىنە مالىمەت كوزى حابارلادى.

اقپارات بويىنشا، جەكپە-جەك ماۋسىم ايىندا لاس-ۆەگاستا ءوتۋى ىقتيمال.

برانت 2018-جىلى WBA (Regular) تيتۋلى ءۇشىن ايقاستا ريوتا مۋراتانى (14-2، 10 ك و) جەڭگەن بولاتىن، الايدا، ءبىر جىلدان كەيىن وتكەن قارىمتادا جاپونيالىق بوكسشى روبتى نوكاۋتقا ءتۇسىردى.

امەريكالىق بوكسشى كەيىنگى رەت رينگكە بىلتىر تامىزدا شىعىپ، ۋكراينالىق ۆيتالي كوپيلەنكونى (28-3، 16 ك و) جەڭگەن. برانتتىڭ ءىسىن دە Top Rank پروموۋتەرلىك كومپانياسى جۇرگىزەتىنىن ايتا كەتەيىك.

ال جانىبەك رينگكە Virgin Hotels شارشى الاڭىندا وتەتىن بوكس كەشىندە شىعادى دەپ جوسپارلانعان.

قازىرگى تاڭدا WBO Global جانە WBC Continental Americas تيتۋلدارىنا يە قازاقستاندىق ا ق ش- تا جاتتىعىپ جاتىر. ول 27- اقپان الماتىدا جۇدىرىقتاسۋ كەرەك بولاتىن، ءبىراق، جاراقاتىنا بايلانىستى بۇل كەزدەسۋ وتپەدى.


Basty sózder: سپورت,
Joǵary qaraı