Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

18 mamyrda eldiń basym óńirinde jańbyr jaýady

2022 jyldyń 18 mamyr 2022 00:15

NUR-SULTAN. QazAqparat – 18 mamyrda Qazaqstannyń shyǵysynda jaýyn-shashynsyz kún raıy qalyptasady. Ózge aýmaqtarda jańbyr kútiledi, ońtústik pen soltústikte qatty jańbyr jaýady, sondaı-aq naızaǵaı, burshaq, daýyl, boljanady. Batys pen ońtústikte – shańdy daýyl, soltústikte túnde jáne tańerteń tuman bolady. QazAqparat bul týraly Qazgıdrometke silteme jasap habarlaıdy.

Atap aıtqanda, Aqmola oblysynyń batysy, soltústigi men ońtústiginde burshaq, kúndiz batysy men ońtústiginde 15-20 m/s ekpinde jel kútiledi. Kúndiz Almaty oblysynyń taýly aýdarynda, Atyraý oblysynyń batysy, shyǵysy men ortalyǵynda, Mańǵystaý oblysynyń soltústiginde, Aqtóbe oblysynyń soltústigi men ortalyǵynda, Qyzylorda oblysynyń ortalyǵynda jeldiń kúshi 15-20 m/s artady. Mańǵystaý, Qyzylorda oblystarynda sondaı-aq shańdy daýyl turady.

Túrkistan oblysynyń ońtústigi, batysy, soltústigi, taýly jáne taý bókterli aýdandarynda daýyl, jeldiń jyldamdyǵy 15-20 m/s artady. Kúndiz Batys Qazaqstan oblysynyń batysy, soltústik-batysynda burshaq, daýyl bolady. Túnde soltústigi, soltústik-batysynda, kúndiz basym bóliginde jeldiń kúshi 15-20 m/s quraıdy. Kúndiz ekpini 23 m/s jetedi.

Qostanaı oblysynyń túnde ońtústiginde, kúndiz batysy men ońtústik-shyǵysynda burshaq, daýyl, túnde jáne tańerteń shyǵysynda tuman, kúndiz batysy men ońtústiginde 15-20 m/s ekpinde jel boljanady. Jeldiń kúshi 23 m/s artýy yqtımal.

Kúndiz Soltústik Qazaqstan oblysynyń ońtústigi men shyǵysynda daýyl turyp, burshaq jaýady. Batysy, ońtústigi men shyǵysynda jeldiń kúshi 15-20 m/s artady.

Tańerteń jáne kúndiz Pavlodar oblysynyń batysy, soltústigi men ortalyǵynda burshaq jaýady. Jeldiń ekpini 15-20 m/s quraıdy.

Kúndiz Qaraǵandy oblysynyń soltústigi, ońtústigi men ortalyǵynda burshaq jaýady.Batysy men ortalyǵynda jeldiń kúshi 15-20 m/s artady. Jambyl oblysynyń ońtústigi, soltústigi men taýly aýdandarynda burshaq jaýyp, daýyl turady. Óńirdiń ońtústik-batysy, soltústik-shyǵysy men taýly aýdandarynda jeldiń ekpini 23-28 m/s jetýi yqtımal.

Sondaı-aq Shyǵys Qazaqstan oblysynyń Jarma aýdanynda, Pavlodar oblysynyń ortalyǵynda tótenshe órt qaýpi kútiledi.


Basty sózder: Qazgıdromet, Aýa raıy,
Joǵary qaraı