Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

16 qyrkúıek. Týǵan kún ıeleri

2021 jyldyń 16 qyrkúıek 2021 08:08

NUR-SULTAN. QazAqparat - Búgin, ıaǵnı 16 qyrkúıek kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady

ESІMDER




73 jyl buryn (1948) QR Parlamenti Senatynyń janyndaǵy Senatorlar keńesiniń múshesi Talǵatbek Jámshıtuly ABAIDІLDIN dúnıege keldi.

Aqmola oblysynyń Esil qalasynda týǵan. Abaı atyndaǵy Qazaq pedagogıkalyq ınstıtýtynyń fızıka-matematıka fakýltetin (1974) matematıka pániniń muǵalimi mamandyǵy boıynsha; Qazaq menedjment, ekonomıka jáne boljamdaý ınstıtýtyn (1993) saıasattanýshy, joǵary jáne orta oqý oryndarynda áleýmettik-saıası pánderdiń oqytýshysy mamandyǵy boıynsha bitirgen.

1980 jyldan - Almaty qalasynyń úgit-nasıhat jáne uıymdastyrý bólimderinde istedi. 1988-1989 jyldary Qazaqstan Kompartııasy OK úgit jáne nasıhat bóliminde nusqaýshy, ıdeologııalyq bóliminiń saıası uıymdastyrýshysy. 1991 jyldyń qańtar aıynan - QazKSR Prezıdenti Apparatynyń jáne QR Mınıstrler kabınetiniń Dinı uıymdarmen baılanystar jónindegi referentýrasynyń referenti, aǵa referenti. 1993 jyldyń sáýir aıynan - QR Prezıdenti janyndaǵy Bas baqylaý ınspektsııasynyń memlekettik ınspektory. 1993 jyldyń jeltoqsan aıynan - QR Ortalyq saılaý komıssııasynyń múshesi. 1995 jyldyń sáýir aıynan QR Prezıdenti Apparatynyń uıymdastyrý-baqylaý basqarmasynda memlekettik ınspektor. 1995 jyldyń jeltoqsan aıynan QR Prezıdentiniń Ákimshiliginiń uıymdastyrý-baqylaý bóliminiń memlekettik ınspektory. 1997 jyldyń naýryz aıynan Kókshetaý oblysy ákiminiń orynbasary. 1997 jyldyń mamyr aıynan Shyǵys Qazaqstan oblysy ákiminiń orynbasary. 2001 jyldan bastap ShQO ákiminiń birinshi orynbasary. 2003 jyldyń aqpan aıynan – ShQO ákimi. 2004 jyldyń jeltoqsan aıynan - QR Prezıdentiniń keńesshisi. 2005 jyldyń naýryz aıynan - QR qorshaǵan ortany qorǵaý vıtse-mınıstri. 2005 jyldyń qarasha - QR Parlamenti Senatynyń depýtaty, Áleýmettik-mádenı damý komıtetiniń hatshysy, 2007 jyly - Ekonomıkalyq jáne óńirlik saıasat komıtetiniń hatshysy. «Qurmet» ordenimen (2006); «Qazaqstan Respýblıkasynyń táýelsizdigine 10 jyl» (2002)», «Qazaqstan temir jolyna 100 jyl» (2004), «Qazaqstan 10 jyl» (2005), «Qazaqstan Parlamentine 10 jyl» (2006), «Aýǵan Demokratııalyq Respýblıkasynan Keńes áskerleriniń áketilgenine 15 jyl» medaldarymen; QazKSR Joǵarǵy Keńesiniń Qurmet gramotasymen (1974) marapattalǵan.




72 jyl buryn (1949) Qazaqstan Respýblıkasynyń memlekettik jáne saıası qaıratkeri Qabıbolla Qabenuly JAQYPOV dúnıege keldi.

Batys Qazaqstan oblysy, Qaztalov aýdany, Qaztalov aýylynda dúnıege kelgen. Tselınograd ınjenerlik-qurylys ınstıtýtyn (1972) támamdaǵan, ınjener-qurylysshy; Almaty joǵary partııa mektebin (1989) bitirgen, saıasattanýshy; Tehnıka ǵylymdarynyń kandıdaty, Halyqaralyq Ekologııa akademııasynyń akademıgi. Qazaqstan Injenerlik akademııasynyń korrespondent-múshesi.

Qazaqstan Respýblıkasy Ulttyq jaratylystaný ǵylymdary akademııasynyń akademıgi.

1981 jyldan - Qazaq KSR Halyq depýtattary Keńesiniń Oral qalalyq atqarý komıteti tóraǵasynyń orynbasary, 1983 jyldan - Oral qalalyq Halyq depýtattary Keńesiniń Ónerkásip aýdandyq atqarý komıtetiniń tóraǵasy. 1987 jyldan - Qazaqstan Kompartııasy Oral qalalyq Lenın aýdandyq partııa komıtetiniń birinshi hatshysy. 1989 jyldan - Qazaq KSR Halyq depýtattary Keńesiniń Oral qalalyq atqarý komıtetiniń tóraǵasy.

1993 jyldyń qańtarynan bastap 2001 jyldyń qańtaryna deıin Batys Qazaqstan oblysynyń ákimi qyzmetin atqaryp, osy óńirdiń ekonomıkalyq-áleýmettik damýy jolynda jemisti eńbek etti.

2001 jyly - QR Kólik jáne kommýnıkatsııalar mınıstriniń birinshi orynbasary. 2003 jyldan - QR Premer-Mınıstri Keńsesi basshysynyń orynbasary - Úkimettiń Parlament Senatyndaǵy ókili. 2007 jyldan - «Nur Otan» HDP-nyń tizimi boıynsha Parlament Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi. 2012-2016 jyldary - besinshi saılanǵan Qazaqstan Respýblıkasy Parlamenti Májilisiniń depýtaty. 2012-2014 jyldary - Qazaqstan Respýblıkasy Parlamenti Májilisi Tóraǵasynyń orynbasary. 2014-2016 jyldary - Qazaqstan Respýblıkasy Parlamenti Májilisiniń Tóraǵasy. Altynshy saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik jónindegi komıtet múshesi (2016-2020).

«Parasat» (2009) jáne «Qurmet» (1999) ordenderimen, birneshe mereıtoılyq medaldarmen marapattalǵan. Sondaı-aq ultaralyq kelisimge sińirgen qyzmetine oraı Reseı Federatsııasynyń ІІ dárejeli «Danııl Áýlıe» ordeni berilgen. Qazaqstan Respýblıkasynyń Qurmetti temirjolshysy. Qazaqstan Respýblıkasynyń Qurmetti qurylysshysy.





53 jyl buryn (1968) Qazaqstan Respýblıkasy Parlamenti Májilisiniń Ekologııa máseleleri jáne tabıǵat paıdalaný komıtetiniń múshesi Serik Sársenuly ERÝBAEV dúnıege keldi.

Atyraý oblysy Atyraý (Gýrev) qalasynda týǵan. H.Dosmuhamedov atyndaǵy Atyraý memlekettik ýnıversıtetin támamdaǵan. Eńbek jolyn 1991 jyly Qazaqstan júrgizýshiler odaǵynyń Gýrev oblystyq keńesinde júrgizýshilerdi oqytý jónindegi sheberi retinde bastaǵan. 1993-2006 jyldary – «Atyraý Konstrakshn Servısez Ltd» JShS-niń Bas dırektory. 2006-2008 jyldary - Atyraý qalalyq máslıhatynyń III jáne IV shaqyrylymdarynyń hatshysy. 2008-2021 jyldary - «Atyraý Konstrakshn Servısez LTD» JShS Bas dırektory. 2021 jylǵy 15 qańtardan bastap - Qazaqstan Respýblıkasy Parlamenti Májilisiniń jetinshi shaqyrylymynyń depýtaty.

«10 jyl Astana» (2008j.), «Qazaqstan Respýblıkasynyń Táýelsizdigine - 25 jyl» (2019j.), Qazaqstan Respýblıkasynyń jergilikti ózin-ózi basqarýdyń damýy men qalyptasýyna qosqan eleýli úlesi úshin «Qazaqstan máslıhattaryna 20 jyl» (2015j.), «Áskerı-teńiz flotynyń ardageri» Máskeý, Tynyq muhıt floty (2016j.), «Atyraý oblysy máslıhattaryna 25 jyl» (2020j.) mereıtoılyq medaldarmen marapattalǵan.





48 jyl buryn (1973) qazaqstandyq tanymal veloshabandoz, Qazaqstan Respýblıkasynyń eńbek sińirgen sport sheberi, Azııa chempıony, 2012 jylǵy London olımpıadasynyń chempıony, Sıdneı Olımpıadasynyń kúmis júldegeri, «Týr de Frans» álemdik velojarysynyń qola júldegeri, álem chempıony, Ispanııadaǵy «Výelta» kópkúndiginiń jeńimpazy Aleksandr Nıkolaevıch VINOKÝROV dúnıege keldi.

Soltústik Qazaqstan oblysynyń Qyzyljar aýdanynda týǵan. Soltústik Qazaqstan memlekettik ýnıversıtetin bitirgen. Kásibı velojaryspen aınalysýdy 1997 jyly «Kazıno» komandasy quramynda bastady. Onyń alǵashqy jetistikteriniń biri 1998-1999 jyldardaǵy «Dıýnkerk tórt kúni» jáne «Dauphiné Libéré» kópkúndik jarystaǵy jeńisi boldy. Bul jetistikteri sportshynyń 2000 jyly kúshti jáne áıgili «Deutsche Telekom» (2004 jyldan «T-Mobile») velotobyna enýine áser etti. 2006 jyly Vınokýrov Ispanııa komandasynyń kapıtany retinde «Týr de Frants» kópkúndigine qatysty. 2006 jyldan qazirge deıin QR «Astana» komandasynyń quramynda. Komandalyq jarysta Azııa oıyndarynyń chemıony (1994), Toptyq jarysta olımpıadalyq oıyndardyń kúmis júldegeri (2000), «Parıj-Nıtstsa» kópkúndik velojarysynyń jeńimpazy (2002-2003), «Týr de Frans» kezeńderiniń (2002-2003), «Amstel Gold Race» Álem kýbogy kezeńiniń (2003), «Shveıtsarııa týrynyń» (2003), bedeldi birkúndik «Lej-Boston-Lej» velojarysynyń (2005,2010) jeńimpazy, jekeleı jarysta álem chempıonatynyń qola júldegeri (2004, 2006). «Týr Baıerı» kópkúndik jarysyna qatysýshy (2005) - 2-oryn, «Týr de Frans» kópkúndik velojarysynyń qola júldegeri (2003, 5-oryn - 2005), «Týr Germanıı» (2003) - 3-oryn, kópkúndik velojarystarynyń qola júldegeri. Altantadaǵy (1996), Sıdneıdegi (2000) - 2-oryn, Afınadaǵy (2004) - 5-oryn, Olıpıadalyq oıyndarǵa qatysýshy. QR ulttyq chempıonatynyń kóptegen dúrkin jeńimpazy. Azııa chempıonatynyń jeke jáne toptyq jarystaryndaǵy jeńimpaz, kúmis júldeger (2009), Vuelta a Espana velojarysynyń basty esebinde jeńimpaz (2006), «Lej-Boston-Lej» komandalyq bir kúndik jarysynda jeńimpaz (2010), «Týr del Tretıno»jarysynyń jeńimpazy (2010!), «Týr de Frans» 13-kezeńiniń jeńimpazy (2010). 2013 jyldan beri. «Astana Pro Team» komandasynyń bas menedjeri.

«Parasat», ІІ dárejeli «Barys» ordenderimen marapattalǵan.




39 jyl buryn (1982) QR IIDM Avtomobıl joldary komıtetiniń tóraǵasy Tólegen Tursynuly ABDÝLLIN dúnıege kelgen.

Pavlodar qalasynda týǵan. D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin, «Qarjy akademııasy» AQ támamdaǵan. Mamandyǵy boıynsha biliktiligi: ınjener-qurylysshy, ekonomıka jáne bıznes magıstri. Eńbek jolyn 2004 jyly «Qazaqavtojol» RMK Pavlodar oblystyq fılıalynyń DEÝ-62 avtojol kópiriniń sheberi laýazymynan bastady. 2005-2011 jyldary «Qazaqavtojol» RMK Pavlodar fılıalynda túrli laýazymdardy atqarǵan. 2011-2014 jyldary — «Qazaqavtojol» RMK Memlekettik satyp alý bóliminiń basshysy, Aqmola oblystyq fılıalynyń dırektory. 2014-2019 jyldary Astana qalasynda «QazAvtoJol» UK» AQ basshylyq qyzmetterin atqardy. 2019 jyldyń aqpanynan jeltoqsanyna deıin — Kókshetaý qalasy, «QazAvtoJol» UK AQ Aqmola oblystyq fılıaly dırektorynyń m. a., dırektory. 2019-2021 jyldary — QR IIDM Avtomobıl joldary komıtetiniń tóraǵasy orynbasarynyń m. a., orynbasary. 2021 jylǵy qańtardan mamyr aıyna deıin QR IIDM Avtomobıl joldary komıteti tóraǵasynyń orynbasary bolyp jumys istedi.


Basty sózder: Kúntizbe,
Joǵary qaraı