Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

150 myńnan astam qazaqstandyq emhanasyn aýystyrdy

2020 jyldyń 26 qarasha 2020 09:48

NUR-SULTAN. QazAqparat - 15 qyrkúıekten bastap 150 myńnan astam adam emhanany tańdaý quqyǵyn paıdalandy, dep habarlaıdy QazAqparat Áleýmettik medıtsınalyq saqtandyrý qoryna silteme jasap.

Qordyń málimetinshe, 150 myńnan astam adamnyń 76 myńy emhanaǵa alǵash ret tirkelgen.

132 myńnan astam qazaqstandyq MSAK jeke menshik medıtsına uıymyna, qalǵan 20 myńy memlekettik nysandy tańdaǵan.

«Emhanaǵa bekitilý qorytyndysy boıynsha medıtsınalyq uıymdardy kelesi jylǵa qarjylandyrý kólemi qalyptastyrylady. Sondyqtan emhanany aýystyrǵan azamattar onda TMKKK jáne MÁMS boıynsha kómekti tek 2021 jylǵy 1 qańtardan bastap alady. Osy ýaqytqa deıin olarǵa burynǵy medıtsınalyq uıymda qyzmet kórsetiledi», – dep túsindirdi qordyń baspasóz qyzmeti.

Bir qyzyǵy 169 myń azamat eldegi birde-bir emhanaǵa tirkelmegen.

Tirkeý naýqanyna barlyǵy 521 MSAK obektisi: 296 memlekettik uıym jáne 225 jeke menshik uıym qatysty. Olardyń barlyǵy densaýlyq saqtaý sýbektileriniń derekter qoryna tirkelgen.

Esterińizge sala keteıik, tirkeý kezinde emhanany tańdaýǵa bolady, sondaı-aq jylyna bir ret ony aýystyrý quqyǵy bar. Eger adam turaqty nemese ýaqytsha turatyn jerin, jumys nemese oqý ornyn aýystyrsa, basqa eldi mekenge kóshse nemese ol turǵan emhana qaıta uıymdastyrylsa nemese joıylsa da basqa medıtsınalyq uıymǵa tirkeledi.


Joǵary qaraı