Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

15 maýsymda ótetin mańyzdy sharalar ańdatpasy

2021 jyldyń 14 maýsym 2021 20:02

NUR-SULTAN. QazAqparat – «QazAqparat» halyqaralyq aqparat agenttigi 15 maýsym kúni elimizde ótetin mańyzdy sharalar ańdatpasyn usynady.

NUR-SULTAN

9.00-de Úkimet úıinde Úkimet otyrysy ótedi. Kún tártibinde sanıtarııalyq-epıdemıologııalyq jaǵdaı, ekologııany jaqsartý máseleleri, qaýipsiz eńbek jaǵdaılaryn qamtamasyz etý sharalary qaralady.

Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarynda onlaın rejımde kórsetiledi.

11.00-de QR Qarjy mınıstrliginiń Youtube arnasynda mınıstr Erulan Jamaýbaevtyń halyq aldynda esep berý kezdesýi ótedi. Kezdesý barysynda Qarjy mınıstri vedomstvonyń aldaǵy kezeńge arnalǵan jumys qorytyndylary men josparlary týraly aıtady.

11.00-de Dostyq úıinde Qazaqstan halqy Assambleıasy Tóraǵasynyń orynbasary M.Ázilhanovtyń jastar uıymdarynyń jetekshilerimen beıresmı formattaǵy kezdesýi ótedi.

11.00-de «Avenue» bıznes-ortalyǵynda Irak Elekeevtiń tóraǵalyǵymen Quqyq qorǵaý jáne sybaılas jemqorlyqqa qarsy is-qımyl jónindegi keńestiń kezekti otyrysy ótedi.

12.30-da QR Prezıdenti janyndaǵy Ortalyq kommýnıkatsııalar qyzmetinde «Memlekettik orman qorynda 2 mlrd aǵash otyrǵyzý týraly» baspasóz máslıhaty ótedi.

Spıker: QR Ekologııa, geologııa jáne tabıǵı resýrstar vıtse-mınıstri Álııa Shalabekova.

Kórsetilim siltemeleri: Youtube jáne Facebook

16.30-da QR Prezıdenti janyndaǵy Ortalyq kommýnıkatsııalar qyzmetinde «QR Qarjy mınıstriniń halyq aldynda esep berý kezdesýiniń qorytyndysy» ótedi.

Spıker: QR Qarjy mınıstri Erulan Jamaýbaev.

Kórsetilim siltemeleri: Youtube jáne Facebook


ALMATY

11.00-de QR Ulttyq kitaphanasynyń N.Dáýletova zalynda «Professııa: Prodıýser #chashka_kofezamıllıon» kitabynyń tusaýkeseri ótedi, onyń avtorlary – belgili kınoprodıýser Álııa Ýáljanova men kınotanýshy Gúlnar Ábikeeva. Bul prodıýserdiń sheberligine arnalǵan Qazaqstandaǵy alǵashqy basylym, onda fılmder men serıaldardy shyǵarý men ilgeriletýdiń qazaqstandyq tájirıbesi jazylǵan.


Avtor Aıjan Serikjanqyzy
Basty sózder: Qoǵam, Nur-Sultan, Almaty,
Joǵary qaraı