Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

1400 jolaýshysy bar 7 poıyz turyp qalǵan: Shymkentte qozǵalys qalpyna keltirildi

2020 jyldyń 24 qazan 2020 13:50

ShYMKENT. QazAqparat – Shymkent qalasynda vagondardyń aýdarylýynan 7 jolaýshy poıyzy 9 saǵatqa deıin jolda turyp qalǵan. Olarda 1400-ge jýyq adam bolǵan. QazAqparat bul týraly QR Tótenshe jaǵdaılar mınıstrliginiń resmı ókili Talǵat Ýálıge silteme jasap habarlaıdy.

Qazannyń 23-inen 24-ine qaraǵan túni Shymkentte 14 vagon joldan shyǵyp, aýdarylyp ketken bolatyn.

Saldarynan 7 jolaýshylar poıyzynyń qozǵalysy keshiktirildi, atap aıtqanda:

1. Shymkent stantsııasynda №34 «Aqtóbe – Almaty» jolaýshylar poıyzy 9 saǵatqa, №76 «Qyzylorda-Petropavl» poıyzy 7 saǵatqa keshikti.

2. Qorǵasyn stantsııasynda № 56 «Qyzylorda-Kókshetaý» jolaýshylar poıyzy 5 saǵatqa keshikti.

3. Qyzylsaı stantsııasynda №23 «Almaty-Aqtóbe» jolaýshylar poıyzy 8 saǵatqa keshikti.

4. Mankent-2 stantsııasynda №11 «Almaty – Shymkent» jolaýshylar poıyzy 5 saǵatqa, №85 «Nur-Sultan-Saryaǵash» poıyzy 1,5 saǵatqa keshikti.

5. Sastóbe stantsııasynda № 33 «Almaty-Aqtóbe» jolaýshylar poıyzy 1 saǵatqa keshikti.

«Qozǵalysy keshiktirilgen poıyzdarda 1 393 jolaýshy bolǵan. Sonymen qatar, jergilikti atqarýshy organdar Shymkent qalasyna jolaýshylardy tasymaldaý úshin 5 shaǵyn avtobýs pen 2 avtobýs uıymdastyrdy», - dedi T.Ýálı.

Málim etilgendeı, búgin saǵat 12.49-da atalmysh poıyzdar qozǵalysyn qaıta jalǵastyrdy.


Joǵary qaraı