Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

14 sáýir. Týǵan kún ıeleri

2021 jyldyń 14 sáýir 2021 08:10

NUR-SULTAN. QazAqparat - Búgin, ıaǵnı 14 sáýirde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

54 jyl buryn (1967) Qazaqstan Respýblıkasy Qarýly Kúshteri Áýe qorǵanysy kúshteri Áýe shabýylyna qarsy qorǵanys áskerleriniń qolbasshysy Qaırat Ánýarbekuly SADYQOV dúnıege keldi.

Shyǵys Qazaqstan oblysynda týǵan. Orynbor Joǵary zenıtti-zymyran komandalyq ýchılıesin, Qazaqstan Respýblıkasynyń Tuńǵysh Prezıdenti – Elbasy atyndaǵy Ulttyq qorǵanys ýnıversıteti janyndaǵy akademııalyq kýrstardy, D.Qonaev atyndaǵy ýnıversıtetti «zańger» mamandyǵy boıynsha bitirgen.

Eńbek joly: Áýe qorǵanysy kúshteri bas qolbasshysynyń tárbıe jáne ıdeologııalyq jumystar jónindegi orynbasary, Qazaqstan Respýblıkasy Qarýly Kúshteri Áýe qorǵanysy kúshteri tárbıe jáne ıdeologııalyq jumystar jónindegi bas basqarmasynyń basshysy boldy.

Qazirgi qyzmetinde 2019 jyldyń mamyr aıynan bastap.

II dárejeli «Aıbyn», «Jaýyngerlik erligi úshin» ordenderimen jáne mereıtoılyq medaldarmen marapattalǵan.




48 jyl buryn (1973) Mańǵystaý oblysy ákiminiń orynbasary Ǵalymjan Muqyruly NIıAZOV dúnıege keldi.

2000 jyly Q.I. Sátbaev atyndaǵy Qazaq Ulttyq tehnıkalyq ýnıversıtetiniń ınjener-mehanık mamandyǵyn bitirgen. 2008 jyly Sh. Esenov atyndaǵy Kaspıı Memlekettik ınjınırıng jáne tehnologııalar ýnıversıtetiniń ónerkásiptik-azamattyq qurylys pen qala sharýashylyǵy biliktiligin, ınjener mamandyǵyn bitirgen. Avtoslesar oqýshysynan bastap kompanııa dırektorlyǵyna deıin ártúrli jekemenshik jáne kommertsııalyq salalarda qyzmet etken (1990-2002); «Qurylyskonsaltıng» Ulttyq Ortalyǵy» JAQ Mańǵystaý oblystyq fılıalynyń kommertsııa jáne óndiris boıynsha bas menedjeri, aýdıt jáne lıtsenzııalyq qujattardy taldaý bóliminiń jetekshi mamany (2002-2006); Mańǵystaý oblystyq memlekettik sáýlet-qurylys baqylaý basqarmasynyń is júrgizýshi-muraǵatshysy, lıtsenzııalaý bóliminiń bas mamany (2006-2008); Mańǵystaý oblystyq qurylys basqarmasy qurylys bóliminiń, memlekettik satyp alý bóliminiń bas mamany, basqarma bastyǵynyń orynbasary (2008-2012); Qyzylorda oblystyq qurylys basqarmasy qurylys bóliminiń bastyǵy, basqarma bastyǵynyń orynbasary (2013-2014); Qyzylorda oblystyq memlekettik satyp alý basqarmasynyń basshysy (2014-2016); «SK-Farmatsııa» JShS bólimniń bastyǵy, atqarýshy dırektory, quqyqtyq qamtamasyz etý jáne satyp alý departamentiniń dırektory (2016-2017); Mańǵystaý oblysy ákiminiń qurylys, turǵyn-úı kommýnaldyq sharýashylyǵy jáne ındýstrıaldy-ınnovatsııalyq damytý máseleleri jónindegi keńesshisi (2017). Aqtaý qalasynyń ákimi (2017-2020). Qazirgi laýazymyn 2020 jylǵy maýsymnan beri atqaryp keledi.




38 jyl buryn (1983) Kreatıvti ındýstrııalardy damytý jónindegi jobalyq keńseniń basshysy Danat Esboluly JÝMIN dúnıege keldi.

Qostanaı oblysynda týǵan. 2006 jyly L.N.Gýmılev atyndaǵy Evrazııa ulttyq ýnıversıtetin «saıasattanýshy», 2009 jyly AQSh Montana ýnıversıtetin «memlekettik basqarý magıstri» mamandyǵy jáne 2017 jyly AQSh Garvard bıznes mektebin joǵary basshylardy daıarlaý baǵdarlamasy boıynsha bitirgen. 2003-2007 jyldary Qazaqstan jastar kongresiniń atqarýshy dırektory. 2009-2011 jyldary QR Prezıdenti janyndaǵy memlekettik basqarý akademııasynyń dıplomatııa ınstıtýty rektorynyń keńesshisi, dırektordyń orynbasary. 2011-2013 jyldary Astana qalasyndaǵy «Apex Consult» JShS bas dırektory. 2013-2014 jyldary «Báıterek» Ulttyq basqarýshy holdıngi» AQ hatshylyǵynyń basshysy, basqarma tóraǵasynyń keńesshisi. 2014-2016 jyldary «Qazaqstan 2050» jalpyulttyq qozǵalysy keńesiniń tóraǵasy. 2016-2017 jyldary Shymkent qalasy ákiminiń shtattan tys keńesshisi. 2017-2018 jyldary «Nur Otan» partııasy ortalyq apparatynda saıası jumystar departamentiniń dırektory qyzmetterin atqarǵan. 2018-2019 jyldary - Shymkent qalasy ákiminiń orynbasary. 2019-2021 jyldary – Qazaqstan Respýblıkasy Premer-Mınıstri Keńsesi basshysynyń orynbasary.

Qazirgi qyzmetinde 2021 jyldyń naýryz aıynan bastap.




37 jyl buryn (1984) Almaty oblysy ákiminiń orynbasary Rýstam Álı dúnıege keldi.

Almaty oblysynda týǵan. Ál-Farabı atyndaǵy Qazaq ulttyq ýnıversıtetin «shyǵystaný» mamandyǵy boıynsha (bakalavr, magıstratýra, doktorantýra), І. Jansúgirov atyndaǵy memlekettik ýnıversıtetin «qarjy» mamandyǵy boıynsha bitirgen.

Eńbek joly: 2006-2008 jyldary – Almaty qalasynda «Delovaıa nedelıa» gazetiniń tilshisi. 2007-2008 jyldary – Centralasiaonlaine.com saıtynda frılanser. 2007-2008 jyldary – «Kaspıı» Orta Azııa men Kavkazdaǵy etnomádenı jáne geosaıası zertteýler jýrnalynyń Qazaqstandaǵy resmı ókili. 2008-2010 jyldary – «Delovaıa nedelıa» gazetiniń halyqaralyq bóliminiń redaktory, ál-Farabı atyndaǵy Qazaq ulttyq ýnıversıtetiniń Shyǵystaný fakýltetiniń oqytýshysy. 2010-2011 jyldary – «Delovaıa nedelıa» gazeti bas redaktorynyń orynbasary. 2011-2012 jyldary – Taldyqorǵandaǵy «Jetisý jastary» MQKK dırektory, І. Jansúgirov atyndaǵy JMÝ-dyń jýrnalıstıka kafedrasynyń oqytýshysy. 2012 jyly Qaınarly aýyldyq okrýginiń ákimi boldy. 2012-2016 jyldary – «Almaty oblysynyń jastar saıasaty máseleleri jónindegi basqarmasy» MM bastyǵy, Taldyqorǵan qalasy. 2016-2020 jyldary – «Almaty oblysynyń ishki saıasat basqarmasy» MM basshysy. 2017-2020 jyldary – Jetisý memlekettik ýnıversıtetiniń oqytýshysy. 2018-2020 jyldary – «QR Prezıdenti janyndaǵy Memlekettik basqarý akademııasynyń» Almaty oblysy boıynsha fılıalynyń oqytýshysy.

Qazirgi qyzmetinde 2020 jyldyń tamyz aıynan bastap.

«Qazaqstan Konstıtýtsııasyna 20 jyl» (2015), «Qazaqstan Respýblıkasynyń Táýelsizdigine 25 jyl» (2016), «Eren eńbegi úshin» (2018), «Qazaqstan máslıhattaryna 25 jyl» (2019) medaldarymen marapattalǵan.


Basty sózder: Kúntizbe, Qoǵam,
Joǵary qaraı