Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

14 mamyr. QazAqparat kúntizbesi

2022 jyldyń 14 mamyr 2022 07:00

NUR-SULTAN. QazAqparat - QazAqparat oqyrman nazaryna 2022 jylǵy 14 mamyrǵa arnalǵan kúntizbeni usynady.

Dúnıejúzilik ádil saýda kúni

Bul kún Dúnıejúzilik ádil saýda uıymynyń jetekshiligimen jyl saıyn mamyr aıynyń ekinshi senbisinde ótkiziledi. Merekeniń asyl mıssııasy – halyqaralyq erejelerge sáıkes ádil saýda jáne ádil bıznes postýlattaryn nasıhattaý. Synǵa alatyn negizgi taqyryptary – balalar eńbegi, quldyq, kóterilgen baǵalar jáne óndiris ekojúıeleriniń buzylýy.

Dúnıejúzilik jyl qustary kúni

Jyl saıyn mamyrdyń ekinshi senbisinde jáne ekinshi jeksenbisinde toılanady. Bul kún 1906 jyly Qustardy qorǵaý jónindegi halyqaralyq konventsııaǵa qol qoıý aldynda belgilengen. Іs-sharanyń maqsaty – qonys aýdaratyn qustar, olardyń mekendeıtin jerleri, qozǵalý joldary týraly bilimdi keńeıtý.

ESTE QALAR OQIǴALAR

1869 jyly Aqtóbe qalasynyń irgetasy qalandy. 1869 jyldyń 28 mamyrynda (eskishe qazaq kúntizbesi) bastalǵan. Bul kúni «Aq tóbe» dep atalǵan áskerı bekinisiniń negizi qalanǵan. 1999 jyldyń naýryzynda óziniń «Aqtóbe» degen tarıhı ataýyna ıe bolǵan qala sovettik kezeńde Aktıýbınsk dep ataldy.

1993 jyly Qazaqstan Respýblıkasynyń Prezıdenti Nursultan Nazarbaev TMD memleketteri basshylary Keńesiniń otyrysyna qatysty. Kezdesýde Deklaratsııa qabyldanyp, ıntegratsııa jolymen, taýar, kapıtal jáne qyzmetterdiń erkin qozǵalysy úshin ortaq naryq qurýǵa umtylystaryn bildirdi.

2009 jyly Kıev qalalyq keńesiniń 2008 jylǵy 18 jeltoqsandaǵy sheshimimen Kıevtegi Shevchenko aýdanynyń Kýzmınskaıa kóshesine qazaq poezııasynyń alyby Jambyl Jabaevtyń esimi berildi. 2009 jylǵy 8 mamyrda osy kóshede Jambyl Jabaevtyń memorıaldyq taqtasy saltanatpen ashyldy.

2013 jyly Jenevada «Aqparattyq qoǵam» máseleleri jónindegi Búkilálemdik kezdesý forýmy sheńberinde ótkizilgen WSISProjectPrizes 2013 halyqaralyq konkýrsynyń nátıjeleri jarııalandy. Qazaqstannyń elektrondyq lıtsenzııalaý júıesi (www.elicense.kz) «E-Business» sanatyndaǵy eń úzdik joba atandy. Konkýrsqa barlyǵy 64 elden 280-ten astam joba qatysty.

2014 jyly Astana qalasyndaǵy Ulttyq mýzeı jańa qundy eksponattarmen tolyqty. HVII ǵasyrdaǵy Han týynyń elementi, Tóle bıdiń qalpyna keltirilgen shapany jáne murajaıǵa Eýrazııa órkenıetiniń kózi retinde Botaı mádenıetiniń sensatsııalyq arheologııalyq qazynalary syıǵa tartyldy. Murajaıdyń sońǵy eksponattaryn belgili qazaqstandyq arheolog Vıktor Zaıbert berdi.

2015 jyly Shveıtsarııadaǵy Frank Muller manýfaktýrasy Qazaqstan gerbi beınelengen saǵat shyǵardy.

2016 jyly Kelnde eýropalyq qazaqtar qaýymdastyǵy men Qazaqstan Respýblıkasynyń Germanııa Federatıvtik Respýblıkasyndaǵy Elshiliginiń qoldaýymen Eýropa qazaqtarynyń dástúrli kishi quryltaıy ótti. Onda Germanııadan, Ulybrıtanııadan, Frantsııadan, Vengrııadan, Avstrııadan, Shveıtsarııadan, Shvetsııadan, Danııadan, Norvegııadan, Nıderlandydan, Túrkııadan, sondaı-aq AQSh-tan kelgen eki myńǵa jýyq etnıkalyq dıasporalardyń ókilderi jınaldy.

2018 jyly Reseı, Qazaqstan, Germanııa, Polsha jáne Qytaıdyń birlesken kınotýyndysy - «Aıka» fılmi 71-shi halyqaralyq Kann kınofestıvaliniń negizgi konkýrstyq baǵdalamasyna endi. Bul fılmde basty róldi Kann kınofestıvaliniń «Úzdik aktrısa» atalymynyń jeńimpazy Samal Eslıamova somdady.

2019 jyly Jambyl oblysyndaǵy taýlarda jazýshy Sherhan Murtaza atyndaǵy shyń paıda boldy. Merki shatqalynda alpınızmnen oblystyq ashyq taý festıvali ótkizilgen bolatyn. Osy ýaqytqa deıin shyń ataýsyz kelgen edi, ony Qazaqstannyń halyq jazýshysy Sherhan Murtazanyń qurmetine atady.




Basty sózder: Kúntizbe,
Joǵary qaraı