Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

134 mln teńge para – Oral qalasynyń bas qurylysshysyna qatysty sot bastaldy

2022 jyldyń 27 mamyr 2022 00:19

ORAL. QazAqparat – BQO qylmystyq ister jónindegi mamandandyrylǵan aýdanaralyq sotynda Oral qalasy qurylys bóliminiń burynǵy basshysy Arman Óksikbaevqa qatysty sot isi bastaldy, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń málimeti boıynsha A.Óksikbaev kásipkerden aldyn ala kelisilgen 170 mln teńgeniń 134 mln teńgesin para retinde alǵan degen aıyp taǵylǵan bolatyn.

A.Óksikbaev 2020 jyldyń qazan aıynan bastap 2021 jyldyń 11 qazanyna deıin Aleksandr Naǵmetovtyń sybaılastyǵy arqyly JShS dırektory «Sh»-dan pandemııa kezeńinde arnaıy tártipti qoldana otyryp, memlekettik satyp alý shartyn jasasýǵa járdem kórsetken. Sondaı-aq Oral qalasynda «Nurly jer» memlekettik baǵdarlamasy boıynsha jalpy somasy 2,2 mlrd teńgeniń 9 qabatty eki turǵyn úıdiń qurylysy boıynsha oryndalǵan jumystardyń aktilerine kedergisiz qol qoıǵan.

Sotta A.Óksikbaevpen birge «Syrlasý» JShS júrgizýshisi A.Naǵmetovtiń isi de qaralýda.

Aldyn ala tyńdaý kezinde sottalýshylardyń advokattary qamaýda ustaý túrindegi bultartpaý sharasyn úıqamaqqa aýystyrý jáne isti qosymsha tergeý úshin prokýratýraǵa jiberý týraly ótinish bildirdi.

Sýdıa Aslanbek Dúısenǵalıev bul ótinishterdi qanaǵattandyrǵan joq.

Basty sot talqysy 9 maýsymǵa belgilendi.

Eske sala keteıik, budan buryn 134 mln teńge para alǵan Oral qalasynyń bas qurylysshysyna qatysty isti sotqa berilgenin jazǵan bolatynbyz.



Joǵary qaraı