Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

130 myńǵa jýyq stýdent pen doktoranttyń shákirtaqysy ósedi

2022 jyldyń 20 mamyr 2022 12:44

NUR-SULTAN. QazAqparat – Bıyl 10 myń oryndyq 31 jataqhana paıdalanýǵa beriledi. Bul týraly Senattaǵy jastardy qoldaý taqyrybyna arnalǵan parlamenttik tyńdaýda Premer-Mınıstrdiń orynbasary Eraly Toǵjanov málim etti, dep habarlaıdy QazAqparat tilshisi.

«Jastarymyzdyń tegin negizde joǵary bilim alýyna múmkindikter keńeıtilip jatyr. 2025 jylǵa qaraı memlekettik bilim granttaryn 50 paıyzǵa ulǵaıtý josparlanǵan. Onyń ishinde mektep bitiretinderdiń ortasha kórsetkishi jalpy respýblıkalyq deńgeıden tómen óńirlerdiń jastaryna ózge óńirlerdegi ýnıversıtetterde bilim alýy úshin bıyl alǵash ret maqsatty 10 myń grant bólinedi», - dedi E. Toǵjanov.

Onyń aıtýynsha, bul atalǵan óńir jastarynyń bilimin laıyqty deńgeıde qamtamasyz etýge baǵyttalǵan júıeli sheshim.

«2025 jylǵa deıin stýdentter stıpendııasy jyl saıyn 20%-ǵa, al magıstranttar men doktoranttar stıpendııasy 15%-ǵa artady. Bul jalpy 130 myńǵa jýyq stýdent, doktorantty qamtıdy», - dedi Úkimet basshysynyń orynbasary.

«Stýdent jastar úshin ózekti máselelerdiń biri jataqhana tapshylyǵy. Ony júıeli sheshý maqsatynda sońǵy 3 jylda 30 myń oryn berildi. Bıyl 10 myń oryndyq 31 jataqhana paıdalanýǵa beriledi», - dedi ol.

Budan buryn habarlanǵandaı, Senat tóraǵasy M. Áshimbaev barlyq reformanyń túpki maqsaty jastardyń ál-aýqatyn arttyrýǵa ári olardyń damýyna jaǵdaı jasaýǵa arnalǵanyn atap ótti.

Sonymen qatar ol ýnıversıtet bitirgen túlekterge eńbek naryǵynda suranys joq ekenin aıtty.



Joǵary qaraı