Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

13 myńnan astam etnıkalyq qazaq qandas mártebesin aldy

2021 jyldyń 21 qańtar 2021 10:20

NUR-SULTAN. QazAqparat - 2020 jyldyń qorytyndysy boıynsha 13 myń adam tarıhı otanyna oralyp, qandas mártebesin aldy. 1991 jyldan bastap respýblıkaǵa barlyǵy 1 mln. 70,3 myń etnıkalyq qazaq keldi, dep habarlaıdy QR Eńbek jáne halyqty áleýmettik qorǵaý mınıstrliginiń baspasóz qyzmeti.

Ótken jyly Qazaqstanǵa kelgen qandastardyń jartysynan kóbi (53,1%) QHR-dan, 31,3% – Ózbekstannan, 8,7% – Túrkimenstannan, 3,7% – Mońǵolııadan jáne 3,3% – basqa elderden kelgen.

Kelgen etnıkalyq qazaqtar negizinen Almaty (51,3%), Mańǵystaý (13,3%) jáne Túrkistan (5,6%) oblystarynda, sondaı-aq Nur-Cultan (4,1%) jáne Shymkent (3,9%) qalalarynda qonystandy.

2020 jyldyń qorytyndysy boıynsha eńbekke qabiletti jastaǵy qonys aýdarýshylar sany 57,1%-dy, eńbekke qabiletti jastan kishi 31,9%-dy jáne zeınetkerler 11%-dy quraıdy.

Aıta ketý kerek, Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy sheńberinde qandastarǵa jumys kúshi tapshy óńirlerge erikti túrde qonys aýdarý usynylady.

2020 jyly qandastardy qabyldaýdyń bekitilgen óńirlik kvotasyna sáıkes 1,4 myńnan astam etnıkalyq qazaq pen olardyń otbasy músheleri QR Úkimeti aıqyndaǵan óńirlerge: Aqmola, Atyraý, Batys Qazaqstan, Shyǵys Qazaqstan, Soltústik Qazaqstan, Qostanaı, Pavlodar jáne Qaraǵandy oblystaryna turaqty turý úshin keldi:

Óńirlik kvotaǵa engizilgen qandastarǵa kóshýge (otbasynyń árbir múshesine 35 AEK-ten) bir rettik jáne turǵyn úıdi jalǵa alýǵa jáne kommýnaldyq qyzmetterdi tóleýge (otbasyna 15-ten 30 AEK-ke deıin) aı saıynǵy shyǵystardy jabý boıynsha 12 aı ishinde sýbsıdııa berý túrinde memlekettik qoldaý kórsetiledi.

Sondaı-aq, memlekettik qoldaý mynalardy:

– qonys aýdarýǵa járdemdesetin jumys berýshilerge sýbsıdııalar (keminde úsh jyl merzimge turaqty jumysqa qabyldanǵan árbir jumysker úshin jáne keminde bes Baǵdarlamaǵa qatysýshy jumysqa ornalasqan kezde 450 AEK mólsherinde sýbsıdııalar) berýdi;

– qajet bolǵan jaǵdaıda tehnıkalyq jáne kásiptik bilim alýǵa jáne qysqa merzimdi kásiptik kýrstarǵa (Baǵdarlamanyń birinshi baǵyty sheńberinde) jiberýdi;

– jańa bıznes-ıdeıalardy iske asyrýǵa 200 AEK deıingi mólsherde memlekettik granttar berýdi qamtıdy.


Joǵary qaraı