Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

13 myń atyraýlyq baldyrǵan balabaqshadaǵy kezekshi topqa barady

2020 jyldyń 26 qazan 2020 05:40

ATYRAÝ. QazAqparat –Atyraý oblysynyń balabaqshalarynda 13 myńnan astam bala kezekshi toptarǵa baryp júr, dep habarlaıdy QazAqparat.

Oblystyq bilim basqarmasynyń málimetine súıensek, balabaqshalarda 1126 kezekshi top ashylǵan. Oǵan 13202 bala baryp júr. Bul, mektepke deıingi uıymdar tárbıelenýshileriniń jalpy sanynyń 39% quraıdy. Barlyq nysandar sanıtarlyq talaptarǵa saı ári mektepke deıingi uıymdardyń jumys algorıtmine sáıkes jumys isteıdi.

«Tańerteń meıirbıke balalarda respıratorlyq aýrýlardyń bar-joǵyn anyqtaý úshin tekserý júrgizedi. Dene qyzýyn ólshep, balalardyń tamaǵyn tekseredi. Koronavırýs ınfektsııasynyń aldyn alý maqsatynda tárbıeshiler men ata-analar balalardy qarsy alý jáne shyǵaryp salý kezinde maskalyq rejım saqtaıdy. Balalar men tárbıeshilerdiń saqtyǵy úshin balabaqshaǵa kireberiste, sondaı-aq ár topta sanıtaızerler ornatylǵan. Balabaqsha ǵımaratyndaǵy toptyq jaılarda, basqa da bólmeler men ashanada dezınfektsııalaý quraldarymen eki saǵat saıyn ylǵaldy óńdeý júrgiziledi», - dep habarlady oblystyq bilim basqarmasynan.

Kezekshi topta shekteý sharalary saqtalyp, búldirshinderdiń sabaǵy ádettegi kún tártibimen ótkiziledi. Balalar burynǵy tártippen ýaqytyly tamaqtanady, kúndiz uıyqtaıdy, dalaǵa serýendeýge shyǵady.


Joǵary qaraı