Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

11 maýsym. Týǵan kún ıeleri

2021 jyldyń 11 maýsym 2021 08:10

NUR-SULTAN. QazAqparat - Búgin, ıaǵnı 11 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




64 jyl buryn (1957) QR Parlamenti Senatynyń janyndaǵy senatorlar keńesiniń múshesi Serik Shyńǵysuly BEKTURǴANOV dúnıege keldi.

Qaraǵandy oblysynda týǵan. 1979 jyly Qaraǵandy memlekettik ýnıversıtetin bitirgen. Fızıka pániniń oqytýshysy. Fılosofııa ǵylymdarynyń kandıdaty.

Eńbek jolyn 1979 jyly Rýdnyı ındýstrıaldyq ınstıtýtynyń oqytýshysy retinde bastaǵan. 1981-1997 jyldary Qostanaı qalalyq komsomol komıteti bóliminiń meńgerýshisi, Qostanaı qalalyq ákimshiligi basshysynyń orynbasary, 1997-2001 jyldary Qostanaı oblysy ákiminiń orynbasary bolyp qyzmet istegen. 2002-2005 jyldary «Stomed» fırmasynyń kommertsııalyq dırektory, Qostanaı oblysy boıynsha QR Memlekettik qyzmet isteri agenttigi aýmaqtyq basqarmasynyń basshysy, 2005-2014 jyldary Qostanaı oblysy ákiminiń orynbasary bolǵan. Qazirgi qyzmetinde – 2014 jyldyń qazanynan. «Parasat», «Qurmet» ordenderimen, «Qazaqstan Respýblıkasy bilim berý isiniń úzdigi» tósbelgisimen jáne mereıtoılyq medaldarmen marapattalǵan.




63 jyl buryn (1958) «Agrofırma «Rodına» JShS bas dırektory, quryltaıshysy, Qazaqstannyń Eńbek Eri Ivan Adamovıch SAÝER dúnıege keldi.

Aqmola oblysynda týǵan. Tselınograd aýyl sharýashylyǵy ınstıtýtyn «aýyl sharýashylyǵy óndirisin tetikteý» mamandyǵy boıynsha támamdaǵan.

Eńbek jolyn 1980 jyly Tselınograd aýdany «Krasnyı flag» keńsharynda brıgadır bolyp bastaǵan. 1985-1987 jyldary «Krasnyı flag» keńsharynda bas ınjener, 1987-1994 jyldary Tselınograd aýdany «Rodına» keńsharynyń dırektory, 1994-1996 jyldary «Rodına» jeke otbasylyq kásipornynyń dırektory, 1996-2005 jyldary «Rodına» óndiris kooperatıviniń dırektory.

2005 jyldyń mamyr aıynan beri qazirgi qyzmetinde.

«Otan» (2011), «Parasat» (2005), «Dostyq» (1996) ordenderimen, «Shapaǵat» (2000), «Qazaqstan Respýblıkasynyń Táýelsizdigine 10 jyl» (2001), «Qazaqstan Respýblıkasy Táýelsizdigine 20 jyl» (2011) «Tyńǵa - 50 jyl» (2004), «Astanaǵa 10 jyl» (2009), «Qazaqstan polıtsııasyna 20 jyl» (2012), «UOS Jeńisiniń 60 jyldyǵy» (2005) medaldarymen jáne t.b. marapattalǵan.




57 jyl buryn (1964) Qazaqstan Respýblıkasy Bas prokýrory Ǵızat Dáýrenbekuly NURDÁÝLETOV dúnıege kelgen.

Ol Almaty oblysynda týǵan. S.M. Kırov atyndaǵy Qazaq memlekettik ýnıversıtetin «zańger» mamandyǵymen bitirgen (1986).

Eńbek joly: ujymshar zańgeri (1987-1990); prokýratýra organdarynda qyzmet atqarǵan (1990-1996); Qazaqstan Respýblıkasy Memlekettik tergeý komıtetiniń organdarynda eńbek etken (1996-1997); Qazaqstan Respýblıkasy Ulttyq qaýipsizdik komıtetiniń organdarynda qyzmet etken (1997-2007); Ulttyq qaýipsizdik komıteti Almaty oblystyq departamentiniń bastyǵy (2007-2017). 2017-2019 jyldary Qazaqstan Respýblıkasy Bas prokýrorynyń birinshi orynbasary boldy.

Qazirgi qyzmetinde – 2019 jyldyń naýryzynan.




Basty sózder: Kúntizbe,
Joǵary qaraı