Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

102 myńǵa jýyq elorda turǵyny tumaýǵa qarsy ekpe aldy

2020 jyldyń 8 qarasha 2020 05:00

NUR-SULTAN. QazAqparat – Elordada 101 950 adam Bastapqy medıtsınalyq-sanıtarııalyq kómek kórsetý uıymdarynda tumaýǵa qarsy vaktsına aldy, dep habarlaıdy QazAqparat qala ákimdigine silteme jasap.

Tumaýǵa qarsy ekpe ulttyq ekpe kúntizbesine kirmeıdi, biraq jyl saıyn jergilikti bıýdjetten satyp alynady. Bıyl halyqty vaktsınatsııalaý úshin 110 myń doza satyp alyndy.

Ádette, tegin vaktsınatsııa tobyna myna sanattaǵy azamattar kiredi:

- sozylmaly aýrýlary bar 18 jasqa deıingi balalar;

- medıtsına qyzmetkerleri;

- júkti áıelder (júktiliktiń 2-3 trımestri);

- jabyq úlgidegi mekemedegi adamdar (balalar úıi, mektep ınternaty);

- múgedekter, eresekter jáne sozylmaly aýrýlary bar balalar;

- 60 jastan asqan qarttar.

Elordada tumaýǵa qarsy vaktsınatsııa naýqany 10 qyrkúıekte bastalyp, 15 qazanǵa deıin sozyldy.

«Dástúrli túrde ekpe qazan-qarasha aılarynda júrgiziledi. Koronavırýs ınfektsııasy pandemııasyna baılanysty maýsymdyq aýrýlar kezeńindegi jaǵdaı kúrdelene túsýi múmkin. Buǵan jol bermeý úshin vaktsınatsııany aldyńǵy jyldarǵa qaraǵanda erterek bastaý kerek boldy. Bul óz nátıjesin berdi», - dep atap ótti BMSK basqarmasynyń bólim basshysy Álııa Ómirzaqova.


Basty sózder: Nur-Sultan, Medıtsına, Vaktsına,
Joǵary qaraı