Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

100 myńnan astam kásipkerdiń ótinish-tilegi Prezıdentke tikeleı jetkizildi – Abylaı Myrzahmetov

2022 jyldyń 25 qańtar 2022 20:50

NUR-SULTAN. QazAqparat – Jappaı tártipsizdikter kezinde otandyq bızneske aıtarlyqtaı shyǵyn keldi. Búginde bızneske kelgen shyǵyndy joıý joldary qaralyp jatyr. Osy oraıda «Atameken» ulttyq kásipkerler palatasy kásipkerler arasynda anonımdi saýalnama júrgizdi.

Bul týraly palatanyń basqarma tóraǵasy Abylaı Myrzahmetov málim etti, dep habarlaıdy QazAqparat tilshisi.

«Biz qańtar oqıǵasyna qatysty kásipkerler arasynda 3 ret ke aýqymdy anonımdi saýalnama júrgizdik. Oǵan 100-myńnan astam kásipker qatysty. Kásipkerlerdiń usynys, pikiri men ótinish-tilegi tikeleı Prezıdent pen Úkimetke jetkizildi. Osylaısha kásipkerlermen keri baılanys ornatyp jatyrmyz», - dedi Abylaı Myrzahmetov Facebook paraqshasyndaǵy tikeleı efır barysynda.

Onyń aıtýynsha, saýalnama júrgizý barysynda sanǵa emes sapaǵa mán berildi.

«Problemany anyqtap, ony sheshýde saýalnamanyń mańyzy zor. Biraq, sapa mańyzdy. Sondyqtan biz saýalnama árbir qazaqstandyq kásipkerdiń únin estigimiz keledi. Bizge kelgen jaýapta biraz dúnıe qozǵalǵan. Onyń ishinde quzyrly organdar men ákimdikterdiń jumysyna qatysty. Jekelegen kompanııalardyń qyzmeti týraly aıtylǵan. Odan bólek, memlekettik sýbsıdııa men grantqa ıe bolýdyń qıyndyǵy týraly sóz qozǵalǵan. Saýalnamanyń nátıjesi «Atameken» UKP-nyń saıtynda jáne meniń áleýmettik jelidegi paraqshamda jarııa etiledi. Tanysyp kóre alasyzdar», - deıdi ol.

Sondaı-aq, basqarma tóraǵasy kásipkerler arasynda júrgizilgen saýalnama nátıjesiniń memlekettik organdar men ákimdikter úshin de paıdaly bolatynyn jetkizdi.

Buǵan deıin jappaı tártipsizdikter saldarynan qujaty joıylyp ketken kásipkerlerge tólemaqy qalaı beriletini týraly habarlaǵan edik.

Odan bólek, jappaı ereýilder kezinde zalal kelgen kásipkerlerge tólemaqy qashan berile bastaıtyny aıtyldy.



Joǵary qaraı