Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«1-synypqa qabyldaý úshin balanyń ıntımdik ómirinen anyqtama qajet» - aqparat feık

2022 jyldyń 26 mamyr 2022 18:21

NUR-SULTAN. QazAqparat - Qazaqstandyq Telegram-arnalarda balalardy mektepke birinshi synypqa qabyldaý úshin ózge qujattarmen birge saýsaq izderiniń tańbasy jáne ıntımdik ómiri týraly anyqtama talap etiletini týraly aqparat tarady. Stopfake.kz saıty anyqtaǵandaı, Qazaqstan mektepterinde mundaı talaptar joq, dep habarlaıdy QazAqparat.

QR Bilim jáne ǵylym mınıstrliginiń málimetinshe, balalardy 1-synypqa qabyldaý úshin mundaı málimetter usynýdyń qajeti joq.

«Balalar birinshi synypqa 6 jastan bastap qabyldanady. Balany birinshi synypqa berý úshin ata-analar «Elektrondyq úkimet» portaly arqyly nemese qaǵaz tasymaldaǵyshta 1 sáýirden 1 tamyzǵa deıin mynadaı qujattardy usynady:
– ata-analardyń mektepke qabyldaý týraly ótinishi;
– balanyń týý týraly kýáligi;
– densaýlyq jaǵdaıy týraly anyqtama, №063ý nysan;
– balanyń densaýlyq pasporty 026 / ý-3;
– balanyń fotosýreti 3h4 sm (2 dana)», – dep habarlady vedomstvodan.

Aıta keteıik, jelide taraǵan vıdeoda balany mektepke qabyldaý úshin qajetti qujattar tizimi bar. Olardyń arasynda Mindetti áleýmettik saqtandyrý polısiniń rekvızıtteri, DESN (Derbes esepshottyń saqtandyrý nómiri) jáne ózge de derekter bar. Alaıda, bul qujattar Qazaqstandaǵy balalarda joq.

Demek, Telegram-chattarda taratylǵan aqparattyń Qazaqstanǵa qatysy joq.


Basty sózder: Feık, Internet, Bilim, Mektep, Oqýshy, Bala,
Joǵary qaraı