Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

1 sáýirden bastap qazaqstandyqtar Koreıaǵa vızasyz bara alady

2022 jyldyń 31 naýryz 2022 12:50

NUR-SULTAN. QazAqparat - 1 sáýirden bastap Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy qazaqstandyq azamattarǵa qatysty vızalyq talaptardy ózara joıý týraly kelisimniń qoldanysyn jańǵyrtý qalpyna keltiriledi. Bul týraly QazAqparat SІM silteme jasap habarlaıdy.

Buǵan deıin ony Ońtústik Koreıa tarapy COVID-19 pandemııasyna baılanysty toqtatty. Osylaısha, Qazaqstan azamattary – ulttyq pasporttardyń ıeleri - Koreıa Respýblıkasyna 30 kúnnen aspaıtyn merzimge vızasyz qaıta kire alady.

Koreıa Respýblıkasynda eńbek etýge, bilim alýǵa nemese Ońtústik Koreıa aýmaǵynda turýǵa nıet bolǵan jaǵdaıda tıisti vızany alý qajet.

Sonymen qatar, qazirgi ýaqytta sheteldik azamattardyń Koreıa Respýblıkasyna kirýin avtorızatsııalaýdyń «K-ETA» elektrondyq júıesi jumys isteıtinin eskerý qajet. Oǵan sáıkes elge vızasyz rejım negizinde keletin sheteldikterge ushýǵa deıin keminde 24 saǵat buryn www.k-eta.go.kr saıty arqyly josparlanǵan sapar týraly elektrondyq habarlama túrinde ótinish berý jáne sodan keıin Ońtústik Koreıa bıliginiń elge kirýge ruqsatyn alý talap etiledi. Mundaı ruqsat bolmaǵan jaǵdaıda áýekompanııa ushaqqa bortqa otyrǵyzýdan bas tartýǵa májbúr bolady.

Budan basqa, Koreıa Respýblıkasyna sapar shegetin azamattarǵa osy elde qoldanylatyn epıdemııaǵa qarsy sharalar týraly aqparatty Qazaqstan Respýblıkasyndaǵy Koreıa Respýblıkasynyń konsýldyq mekemelerinde aldyn ala naqtylaýǵa keńes beremiz.


Joǵary qaraı