Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

1 mln aýyl turǵynynyń tabysy artady – Erbol Qarashókeev

2021 jyldyń 12 qazan 2021 10:42

NUR-SULTAN. QazAqparat – Importty almastyrý máseleleri de keshendi túrde sheshiletin bolady. Bul týraly Úkimet otyrysynda Agroónerkásiptik keshendi damytýdyń 2021-2025 jyldarǵa arnalǵan ulttyq jobasyn tanystyrý kezinde QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Importqa táýeldilikti tómendetý jáne mal sharýashylyǵy óniminiń eksportyn arttyrý maqsatynda qarqyndy mal sharýashylyǵyna kóshý jalǵastyrylatyn bolady. Bul úshin fermerlik sharýashylyqtarǵa mal satyp alýǵa kredıt berý kólemin ulǵaıtý, azyq óndirisin yntalandyrý, shalǵaıdaǵy mal sharýashylyǵyn jáne jaıylymdardyń ınfraqurylymyn damytý, sondaı-aq selektsııanyń qazirgi zamanǵy ádisterin, onyń ishinde jasandy uryqtandyrý men embrıondardy telýdi engizýdi yntalandyrý josparlanýda. Bul óńdeýshi kásiporyndardyń qýattylyqtaryn 100% júktememeni qamtamasyz etýge, sondaı-aq mal men qustyń ónimdiligin arttyrýǵa múmkindik beredi», - dedi Erbol Qarashókeev.

Onyń aıtýynsha, agrarlyq ǵylymdy qarjylandyrýdyń jetkiliktiligin qamtamasyz etý jumysy jalǵastyrylady, salalyq granttyq qarjylandyrý engiziledi. Sondaı-aq agroónerkásiptik keshenge keshendi taldaý júrgizý, perspektıvalaryn baǵalaý, damýyn boljaý úshin Mınıstrliktiń ahýaldyq-taldamalyq ortalyǵyn quryp, jumys istetý josparlanýda.

«Koronavırýs pandemııasy ishki naryqty qamtamasyz etý basty mindet ekenin kórsetip berdi. Sondyqtan basym eksporttyq saıasatpen qatar, ımportty almastyrý máseleleri de keshendi túrde sheshiletin bolady. Mınıstrlik eń kóp ımporttalatyn pozıtsııalardy aıqyndady, bular – qus eti, shujyq ónimderi, irimshik pen súzbe, alma, qant pen balyq. Búgingi tańda osy baǵyttardyń árqaısysy boıynsha naqty ınvestıtsııalyq jobalar aıqyndalyp, iske asyrylýda. Qoıylǵan maqsatqa qol jetkizý úshin birqatar memlekettik qoldaý sharalary, onyń ishinde jeńildikti kredıt berý, sýbsıdııalaý, jer resýrstarymen, ınfraqurylymmen, ishki naryqty qorǵaý sharalarymen qamtamasyz etý iske asyrylatyn bolady. Nátıjesinde, 2024 jylǵa qaraı qantty qospaǵanda, osy ónim túrleri boıynsha qamtamasyz etilý 100%-dy, al qant boıynsha 80%-dy quraıdy», - dedi mınıstr.

Ulttyq jobanyń basym baǵyttarynyń biri - óńdelgen aýyl sharýashylyǵy ónimderiniń óndirisi men eksportyn damytý bolady. Ol úshin jumys istep turǵan kásiporyndardy tolyq júkteýdi, sondaı-aq qazirgi zamanǵy kásiporyndar salýdy jáne jumys istep turǵan kásiporyndardy jańǵyrtýdy kózdeıtin sharalar kesheni ázirlendi. Búgingi tańda ınvestıtsııalyq jobalar pýlyndaǵy 194 joba – óndiristiń qosymsha ósýin jáne tıisinshe qosymsha eksport kólemin qamtamasyz etýge múmkindik beretin óńdeý jónindegi jańa jobalar.

«Bul, saıyp kelgende, agroónerkásiptik keshen eksportynyń jalpy kólemindegi óńdelgen ónim úlesin 70%-ǵa deıin jetkize otyryp, agroónerkásiptik keshen ónimderiniń eksportyn 2 esege ulǵaıtý týraly alǵa qoıylǵan maqsatqa qol jetkizýge múmkindik beredi. Ulttyq jobanyń basymdyǵy et, jemis, kókónis, qant, dándi, maıly daqyldar, sút ónimderin óndirý men óńdeýdi qosa alǵanda, iri ınvestıtsııalyq jobalardyń aınalasynda 7 ekojúıe qalyptastyrý bolmaq. Bul qosylǵan quny joǵary túpkilikti qazaqstandyq ónim jasaýǵa qatysa alatyn keminde 350 myń fermerlik jáne úı sharýashylyqtaryn iske tartýǵa múmkindik beredi. Jalpy, 5 jyl ishinde 4,1 trln teńgege 582 ınvestıtsııalyq jobany iske asyrý josparlanyp otyr», - dedi vedomstvo basshysy.

Jalpy, Ulttyq jobany iske asyrý nátıjesinde bes jyl ishinde eńbek ónimdiligin 2,5 esege arttyrý, 500 myń adamdy jumyspen qamtamasyz etý, osylaısha 1 mln aýyl turǵynynyń tabysyn arttyrý josparlanýda.

Budan buryn habarlanǵandaı, Úkimet otyrysynda Agroónerkásiptik keshendi damytýdyń 2021-2025 jyldarǵa arnalǵan ulttyq jobasy tanystyryldy.



Joǵary qaraı