Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

1 mıllıonǵa jýyq qandas elge kóship kelýge nıetti – Otandastar qory

2021 jyldyń 27 qazan 2021 15:34

NUR-SULTAN. QazAqparat – Sheteldegi 1 mıllıonǵa jýyq qandas Qazaqstanǵa kóship kelýge nıetti. Bul týraly «Otandastar qory» KEAQ vıtse-prezıdenti Maǵaýııa Sarbasov málim etti, dep habarlaıdy QazAqparat tilshisi.

«QR Aqparat jáne qoǵamdyq damý mınıstrliginiń tapsyrmasyna sáıkes biz qandastarǵa arnalǵan «Erýlik» atty jańa saıt ashtyq. Saıt qazaq jáne orys tilderinde, latyn jáne tóte jazý nusqalarynda aqparat taratyp jatyr. Mundaǵy maqsat – otanǵa kóship kelýge nıetti qandastardy aqparatpen qamtý. Osy oraıda, elimizde syrttan kelgen qandastar jıi ornalasatyn Aqmola, Qostanaı, Pavlodar, Soltústik Qazaqstan jáne Shyǵys Qazaqstan oblystarynyń áleýmettik-ekonomıkalyq damý kórsetkishi kóship kelýdi josparlaǵan qandastarǵa aqparat túrinde usynylyp otyr. ıAǵnı qandastar aldyn ala qaıda keletinin, ol jerdegi jol qandaı, mektep bar ma jáne taǵy basqa mańyzdy jaıttarmen aldyn ala tanysa alady», - dedi M. Sarbasov.

Sondaı-aq qordyń vıtse-prezıdenti qazirgi tańda 1 mln-ǵa jýyq qandas elge kóship kelýge nıetti ekenin aıtty.

«Búginde qandastarymyzdyń atalǵan saıtqa kirý, oqý dınamakasy artyp keledi. Ásirese Qytaı, Reseı, Iran, Mońǵolııa, Ózbekstan, Ulybrıtanııa men Germanııadaǵy qandastarymyzdyń erýlik saıtyna jıi kiretini baıqalyp otyr. Demek atalǵan elderdegi qandastarymyz otanyna kelýgi qyzyǵýshylyq tanytady degen sóz. Bizdegi saraptamalyq taldaýǵa súıensek, búginde 1 mıllıonǵa jýyq qandasymyz elge kóship kelýge nıetti. Karatındik talaptar jeńildetilip, shekaralar ashylsa kósh ulǵaıady degen úmittemiz», - deıdi ol.

Aıta ketsek, búgin Qazaqstanda sheteldegi qazaqtildi buqaralyq aqparat quraldarynyń basyn biriktirgen assotsıatsııa quryldy.

Atalǵan qoǵamdyq uıymǵa QR Parlamenti Senatynyń depýtaty, qoǵam qaıratkeri Nurtóre Júsip tóraǵalyq etedi.


Joǵary qaraı