Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

1 mamyrdan bastap depozıt boıynsha ótemaqy zeınetaqy shottaryna aýdaryla bastaıdy

2022 jyldyń 21 sáýir 2022 07:37

NUR-SULTAN. QazAqparat - 1 mamyrdan bastap «Qazaqstannyń depozıtterge kepildik berý qory» bir jyl ishinde kepildik berilgen depozıtter boıynsha ótemaqy Biryńǵaı jınaqtaýshy zeınetaqy qory (BJZQ) depozıt ıeleriniń atyna ashylǵan jeke zeınetaqy shottaryna aýdara bastaıdy, dep habarlaıdy QazAqparat BJZQ baspasóz qyzmetine silteme jasap.

Kepildik berilgen óteýdiń talap etilmegen somasy depozıt ıeleri tizilimindegi aqsha salýshynyń derbes derekteri salymshynyń BJZQ-daǵy derbes derekterine sáıkes kelgen jaǵdaıda, onyń jeke basyn kýálandyratyn qoldanystaǵy qujaty bar bolsa, sondaı-aq, BJZQ-daǵy depozıt ıesiniń mindetti zeınetaqy jarnalary erikti zeınetaqy jarnalar esebinen zeınetaqy jınaqtary zeınetaqy shottarynda esepke alynady. ıAǵnı, salymshylarǵa BJZQ-ǵa arnaıy júginýdiń qajeti joq – atalǵan sharttar saqtalǵan jaǵdaıda Depozıtterge kepildik berý qory aýdarǵan qarjy erikti zeınetaqy jınaǵy esepke alý úshin avtomatty túrde BJZQ-daǵy jeke zeınetaqy shotyna aýdarylady.

EZJ esepke alý úshin jeke zeınetaqy shotyna aýdarylǵan talap etilmegen kepildi ótemaqy ózge de zeınetaqy aktıvteri sııaqty sol tártippen ınvestıtsııalanady.

Bul qarajat salymshyǵa ınvestıtsııalyq tabys ákelmek.


Joǵary qaraı