Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

1 qarashadan bastap astananyń eski vokzalynda tegin avtoturaq bolmaıdy

2021 jyldyń 21 qazan 2021 20:46

NUR-SULTAN. QazAqparat - 1 qarashadan bastap «Nur-Sultan 1» temirjol vokzalynyń aýmaǵynda aqysyz turaq bolmaıdy, dep habarlaıdy QazAqparat.

Bul jaıynda City Transportation Systems kólik kompanııasy málimet taratty.

Aıta keteıik, elorda turǵyndary men qonaqtaryna yńǵaıly bolý úshin balama retinde vokzal aldynda tegin turaq pen jolaýshylardy otyrǵyzý jáne túsirý aımaqtary bar jolaq iske qosylady (syzbasy sýrette).

Turaq qyzmetterin tóleýdiń birneshe joly bar:

• Kaspi.kz banktik mobıldi qosymsha arqyly, «Tólemder» bóliminde;

• Jeke kabınette, NSPARKING (App Store jáne Google play) mobıldi qosymshasy jáne nsparking.kz veb - saıt arqyly;

• Temirjol vokzaly aýmaǵynda ornalasqan 4 QIWI tólem termınaldary arqyly;

• temirjol vokzalynyń jańa ǵımaratyna ornatylǵan parkomat arqyly (qolma-qol aqshamen, bank kartasymen nemese NFC tólemimen);

• temirjol vokzalynyń eski ǵımaratynyń 2-qabatynda ornalasqan táýlik boıy jumys isteıtin kassa, №15 kabınet arqyly.

Turaq qyzmetteriniń qoldanystaǵy tarıfterimen turaq bıletterin berý avtomattarynyń janyndaǵy aqparattyq taqtalarda, parkomattarda, táýlik boıy jumys isteıtin kassada, sondaı-aq NSPARKING mobıldi qosymshasynda jáne nsparking.kz saıtta tanysýǵa bolady.





Avtor Janat Qapalbaeva
Basty sózder: Poıyz, Kólik, Nur-Sultan,
Joǵary qaraı