Aýa raıy
Astana 12 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

1,57 mln qazaqstandyqqa 21 250 teńge tólem berildi

2020 jyldyń 6 tamyz 2020 17:51

NUR-SULTAN. QazAqparat - 2 mln 198,7 myń qazaqstandyq 42 500 teńgelik birjolǵy tólemdi aldy. Onyń ishinde 1 mln 573,7 myń adam tamyz aıynda karantınniń uzartylýyna baılanysty 21 250 teńge mólsherinde qosymsha aqy berildi, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

6 tamyz saǵat 15.00-degi jaǵdaı boıynsha shildede shekteý sharalaryn engizýge baılanysty tabysynan aıyrylǵan jaǵdaıda Memlekettik áleýmettik saqtandyrý qorynan birjolǵy tólem taǵaıyndaýǵa azamattardan 2 mln 467 myń biregeı ótinish qabyldandy, tólem mólsheri eń tómengi jalaqyǵa – 42 500 teńgege teń. Tólemdi 2 mln 198,7 myń qazaqstandyq aldy, onyń ishinde 1 mln 573,7 myń adam tamyz aıynda karantınniń uzartylýyna baılanysty 0,5 ETJ – 21 250 teńge mólsherinde qosymsha aqy aldy. Osy baǵyttaǵy jumys jalǵasyp jatyr.

2 mln 467 myń ótinimniń ishinde:

– 835,4 myń adam proaktıvti formatta tólem taǵaıyndaýǵa kelisim bergen;

– 627,2 myń adam Egov.kz portaly jáne Telegram bot arqyly;

– 365 myń adam 42500.enbek.kz portaly arqyly;

– 639,4 myń adam ekinshi deńgeıdegi bankterdiń mobıldik qosymshalary men ınternet-resýrstary arqyly ótinish bergen.

Azamattardyń sanattary bólinisinde:

– 835,4 myń ótinish biryńǵaı jıyntyq tólem tóleýshilerden kelgen (proaktıvti formatta);

– 220,9 myń ótinishti jaldamaly qyzmetkerleri úshin jumys berýshiler bergen;

– 1 mln 410,7 myń ótinish azamattardyń basqa sanattarynan kelip tústi (jeke kásipkerler, jeke praktıkamen aınalysatyn adamdar, azamattyq-quqyqtyq sıpattaǵy sharttar boıynsha tabys alatyn jeke tulǵalar).

Tólem 2 mln 235,8 myń adamǵa taǵaıyndaldy. Aqshalaı qarajat 2 mln 198,7 myń qazaqstandyqqa aýdaryldy.

Buǵan deıin habarlanǵandaı, Qazaqstan aýmaǵynda karantınniń 2 aptaǵa sozylýyna baılanysty MÁSQ-tan birjolǵy tólem alýshylarǵa 0,5 ETJ – 21 250 teńge mólsherinde qosymsha aqy tólenedi.

2020 jyldyń shildesinde MÁSQ-tan birjolǵy tólem alǵan qazaqstandyqtarǵa karantınniń uzartylýyna baılanysty qosymsha aqy avtomatty túrde taǵaıyndalady. Qaıta ótinish berýdiń qajeti joq.

Ótinish qabyldaý 2020 jyldyń 1 qyrkúıegine deıin jalǵasady.

Joǵary qaraı