Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

1,4 mln qazaqstandyq tumaýǵa qarsy ekpe saldyrǵan

2021 jyldyń 19 qazan 2021 09:47

NUR-SULTAN. QazAqparat – 1,4 mln qazaqstandyq tumaýǵa qarsy ekpe saldyrǵan, dep habarlaıdy QazAqparat tilshisi.

Bul týraly QR Densaýlyq saqtaý mınıstri Aleseı Tsoı Úkimet otyrysynda málim etti.

«Halyqty koronavırýs ınfektsııasyna qarsy vaktsınalaý jalǵasýda. Vaktsınatsııa jospary qaıta qaraldy jáne búgingi kúni shamamen 11,4 mln adamdy quraıdy.

Birinshi komponent boıynsha 8,0 mıllıonnan astam adam ekpe aldy. Bul vaktsına alýǵa tıisti halyqtyń 70,7%-y nemese jalpy halyqtyń 42,7%-y degen sóz. Ekinshi komponent boıynsha ekpe alýǵa tıisti halyqtyń 63%-y nemese jalpy halyqtyń 38%-y qamtylyp, 7,1 mıllıon adam ekpe qabyldady», - degen Alekseı Tsoı tumaýǵa qarsy vaktsınatsııa qalaı júrip jatqanyna da toqtaldy.

«Tumaýǵa qarsy vaktsınatsııa jalǵasýda. Búgingi tańda shamamen 1 mln 380 myń adam nemese tıisti halyqtyń 54,5% egildi. Vaktsınatsııamen respýblıkalyq kórsetkishten joǵary qamtý 7 óńirde baıqalady. Onyń ishinde Túrkistan tumaýǵa qarsy vaktsınamen tıisti halyqtyń 85%-y, Nur-Sultan, Shymkent qalalary men Aqmola jáne Qyzylorda oblystarynda 60%-dan astamy, Almaty qalasynda jáne Shyǵys Qazaqstan oblysynda 55%-dan astamy qamtylǵan», - dedi vedomstvo basshysy.


Joǵary qaraı