Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

ЖССТ Қозоғистонга 1,16 миллион долларлик тиббий ёрдам кўрсатди

13 Август 2021 11:28

NUR-SULTAN. Kazinform - Жаҳон соғлиқни сақлаш ташкилоти Германия Соғлиқни сақлаш вазирлигининг молиявий кўмаги билан Қозоғистонга 1,16 миллион АҚШ доллари миқдорида тиббий ёрдам кўрсатишни таъминлади. Бу ҳақда Kazinform ЖССТнинг Қозоғистондаги ваколатхонаси матбуот хизматига таяниб хабар берди.

ЖCCТ соғлиқни сақлаш муассасаларига тарқатиш учун 3,7 миллион тиббий ниқоб етказиб берди. Тиббий юкни етказиб бериш COVID-19 тарқалишининг олдини олиш мақсадида Германия Соғлиқни сақлаш вазирлиги томонидан молиялаштирилди. Юк Нур-Султан шаҳри Соғлиқни сақлаш бошқармасига топширилди.

ЖССТ Қозоғистондаги ваколатхонасининг катта тиббий маслаҳатчиси Омар Салех Германия ҳукумати билан тиббий ёрдам кўрсатиш бўйича қўшма лойиҳа ҳақида гапирар экан, «бу стратегик ҳамкорлик бизга қийин пайтларда қозоғистонлик тиббиёт ходимларини қўллаб -қувватлашга имкон беради» – деди. У, шунингдек, Германия Соғлиқни сақлаш вазирлигига узоқ муддатли ҳамкорлик учун миннатдорчилик билдирди.

«Қозоғистонда COVID-19 га қарши курашда тиббиёт ходимларига тиббий ёрдам-бу Германия халқининг бирдамлигининг белгисидир. Германия ҳукумати Соғлиқни сақлаш вазирлиги орқали қабул қилувчи мамлакатларда COVID-19 га қарши курашда ҳукуматлар ва шифокорларни қўллаб-қувватлашга интилмоқда «,-деди Германиянинг Қозоғистондаги «лчиси жаноб Тило Клинер.

Бу юк Қозоғистонда COVID-19 тарқалиши бошланганидан буён режалаштирилган тиббий ёрдамнинг бир қисмидир. Муҳими, 2020 йилдан бошлаб Германия федерал ҳукумати ЖССТнинг Қозоғистондаги фаолиятини молиялаштирди ва мамлакатнинг фавқулодда эҳтиёжларини қондириш учун 2,1 миллион АҚШ долларидан ортиқ тиббий ёрдам кўрсатди.

Нур-Султан шаҳар Соғлиқни сақлаш бошқармаси бошлиғининг ўринбосари Алия Рустемова тиббий жўнатмалар ва уларнинг ўз вақтида берилиши муҳимлигини таъкидлади. Унинг сўзларига кўра, «тиббий ниқоблар тиббиёт муассасалари ўртасида, шунингдек, шаҳар аҳолисининг эҳтиёжманд гуруҳлари ўртасида тарқатилади«.


Калит сўзлар: Тиббиёт, Ҳайрия,
Юқорига