Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Ўзбекистонда эмланувчиларнинг устувор рўйхати кенгайтирилди

22 Июнь 2021 18:12

TASHKENT. Kazinform - 50 ёш ундан катта ўзбекистонликлар эмланувчиларнинг устувор рўйхатига киритилган. Тегишли қарор Коронавирусга қарши курашиш бўйича махсус республика комиссияси арафасида қабул қилинди, деб хабар беради Kazinform мухбири Ўзбекистон Республикаси Соғлиқни сақлаш вазирлиги матбуот хизматига таяниб.

«50 ёш ва ундан катта одамлар, шунингдек, университетларнинг ўқитувчилари ва профессор-ўқитувчиларини COVIDга қарши бепул эмлаш тўғрисида қарор қабул қилинди (илгари 65 ёшдан ошганлар эмланган).

Шунингдек, мутасадди ташкилотлар ҳудудларда коронавирус инфекциясини юқтирган беморларни даволашга тиббий муассасаларнинг тайёрлигини таҳлил қилиш ва сўнгги кунларда юқтириш ҳолатлари кўпайганлигини инобатга олган ҳолда зарур дори-дармонлар захирасини шакллантириш бўйича кўрсатма берди «, - дейилади хабарда.

Вазирлик маълумотларига кўра, биринчи босқичда коронавирусга қарши оммавий эмлаш 65 ёшдан ошган одамлар, тиббиёт ходимлари, мактаб ўқитувчилари, мактабгача таълим муассасалари ходимлари ва сурункали касалликларга чалинган одамлар ўртасида ўтказилган. 31 майдан бошлаб ушбу рўйхат талабалар (чет элда таҳсил олаётганлар), оммавий ахборот воситалари вакиллари (журналистлар ва блоггерлар), ёзувчилар ва телерадиокомпаниялар ходимлари билан тўлдирилди.

Эслатиб ўтамиз, эмлаш кампанияси Ўзбекистонда 1 апрелдан бошланган эди. Эмлаш учта дори воситасида амалга оширилади: Европанинг AstraZeneca, Хитой-ўзбек ZF-UZ-VАC2001 ва Россиянинг Спутник-v вакциналари. Ўзбекистонда эмлаш бошланганидан бери 2,5 миллиондан ортиқ дозада COVID-19 вакцинаси ишлатилган.

Калит сўзлар: Марказий Осиё, Вакцина,
Юқорига