Об-ҳаво
Астана 12 °С
Алматы 10 °С
Валюта курси
USD 412.55
EUR 468.66
RUB 5.79
CNY 58.80

Ўзбекистон билан ўртадаги товар айланмаси сезиларли даражада ошди

16 Март 2020 13:00

NUR-SULTAN. Kazinform – 2019 йилнинг январ-декабр ойларида Ўзбекистон ва Қозоғистон ўртасидаги товар айирбошлаш ҳажми 2,75 миллиард АҚШ долларини ташкил этди, бу 2018 йилнинг январ-декабрига (2,49 миллиард доллар) нисбатан 10,6 фоизга кўпдир, дея хабар беради Kazinform finprom.kz сайтига таяниб.

Товар айланмасининг асосий қисми (72%) экспорт улушига тўғри келади: 12 ой ичида Қозоғистон Ўзбекистонга 2 миллиард долларга тенг товар ва хизматларни етказиб берди, шу билан бирга йил давомида пасайиш 8,7 фоизни ташкил этди. Шу билан бирга, Ўзбекистондан импорт ҳажми 771,2 миллион долларга этди, бу ўтган йилга нисбатан 20,6 фоизга кўпдир.

2019 йилнинг учинчи чораги якунларига кўра, Қозоғистоннинг ўзбекистонлик инвесторлар олдидаги ташқи мажбуриятлари 2018 йилнинг шу даврига нисбатан 14 фоизга ўсиб, 210,35 миллион АҚШ долларини ташкил этди. 2018 йилнинг учинчи чораги якунига кўра мажбуриятлар ҳажми 184,6 миллион АҚШ долларини ташкил этганди.

1 март ҳолатига кўра, Қозоғистонда Ўзбекистон иштирокида 1,154 минг юридик шахслар, филиаллар ва ваколатхоналар фаолият кўрсатмоқда. Ушбу компанияларнинг деярли барчаси кичик корхоналардир, фақат битта корхона йирик бизнес вакили.

Қозоғистондаги Ўзбекистон корхоналарининг аксарияти (74,4%) Қозоғистоннинг учта ҳудудида: Ақмола (517 та корхона), Ақтўбе (189) ва Алмати (152) вилоятларида фаолият олиб бормоқда.

Ўзбекистон иштирокида фаолият юритаётган компанияларнинг 61 фоизи савдо ва автомобилларни таъмирлаш, қурилиш, шунингдек, профессионал, илмий ва техник фаолият соҳаларида ишлайди.

Юқорига