Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Ўзбекистон 49 мамлакатда сайлов участкаларини очади

12 Август 2021 14:39

TASHKENT. Kazinform - Ўзбекистон Президент сайловлари учун 49 мамлакатда сайлов участкаларини очишни режалаштирмоқда. Бу ҳақда Ўзбекистон Ташқи ишлар вазирлиги давра суҳбати давомида маълум қилди, деб хабар беради Kazinform махсус мухбири.

Ташқи ишлар вазирлигида таъкидланганидек, сайловга тайёргарлик кўришда 38 та мамлакатда 54 та сайлов участкалари, Ўзбекистон элчихоналари ва консуллик идоралари ҳузурида, шунингдек, 128 шаҳарда 316 та қўшимча кўчма сайлов участкалари, шу жумладан Ўзбекистоннинг дипломатик ваколатхоналари йўқ 11 мамлакатда очиш режалаштирилган.

Бунинг учун Ўзбекистон элчихоналари ва консуллик идоралари маҳаллий ҳокимият раҳбарлари, диаспора вакиллари ва Ўзбекистондан меҳнат мигрантлари кўп бўлган корхоналар раҳбарлари билан музокаралар олиб бормоқда.

Эслатиб ўтамиз, Ўзбекистонда Президент сайловлари шу йилнинг 24 октябрида бўлиб ўтади. Сайлов кампанияси расман бошланганидан сўнг, барча бешта сиёсий партия ўз номзодларини кўрсатди.

Калит сўзлар: Сайлов-2021, Марказий Осиё,
Юқорига