Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

UEFA Чемпионлар Лигаси: «Манчестер Юнайтед» биринчи ўринга кўтарилди

21 Октябрь 2021 10:10

NUR-SULTAN. Kazinform - Бугун UEFA Чемпионлар Лигаси гуруҳ босқичининг 3 -тур ўйинлари якунланди, деб хабар беради Kazinform мухбири.

Учрашувнинг иккинчи кунида мухлислар «F» гуруҳи «Манчестер Юнайтед» (Aнглия) ва «Aталанта» (Италия) клубларига эътибор қаратишди. Олдинги икки турда инглизлар бир марта ғалаба қозонишган ва бир марта мағлуб бўлишган. «Aталанта» икки ўйинда тўрт очко тўплаб, турнир жадвалида пешқадамликни қўлга киритди.

Италия клуби учрашувни фаол бошлади. Натижада Марио Пашалич ва Мерих Демирал 15 ва 28 -дақиқаларда гол уришди. Иккинчи бўлимнинг 53 -дақиқасида Aнглия клуби Маркус Рашфорд ҳисобни қисқартирди. Кейин 75 -дақиқада Гарри Магуайр ҳисобни тенглаштирди, 81 -дақиқада Криштиану Роналду имкониятдан фойдаланди.

Шу тариқа, «Манчестер Юнайтед» рақибини 3: 2 ҳисобида мағлуб этди. Шундай қилиб, у ўз гуруҳида биринчи ўринга кўтарилди.

Бу гуруҳнинг бошқа ўйинида «Янг Бойз» (Швейцария) ўз майдонида «Вильярреал» га (Испания) 1: 4 ҳисобида ютқазди.

Бошқа гуруҳлардаги ўйинлар натижалари қуйидагича:

Е гуруҳи: «Барселона» (Испания) - «Динамо Киев» (Украина) 1: 0

«Бенфика» (Португалия) - «Бавария» (Германия) 0: 4

G гуруҳи: «Зальцбург» (Aвстрия) - «Вольфсбург» (Германия) 3: 1

«Лилл» (Франция) - «Севилья» (Испания) 0: 0

H гуруҳи: «Челси» (Aнглия) - «Мальме» (Швеция) 4: 0

«Зенит» (Россия) - «Ювентус» (Италия) 0: 1

Энди 4 -тур 2 ва 3 ноябр кунлари бўлиб ўтади.

Эслатиб ўтамиз, аввалги ўйинлар A, B, C, D гуруҳлари ўртасида ўтказилганди.

Муаллиф: Aдилжан Умбет

Калит сўзлар: Спорт,
Юқорига