Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Туркиялик фридайвер янги жаҳон рекордини ўрнатди

26 Октябрь 2021 18:15

ANTALIYA. ANADOLY-Kazinform – Туркиялик фридайвер Шаҳика Эржумен Aнталиянинг Каш туманида денгизга 100 метр чуқурликка шўнғиш орқали жаҳон рекордини ўрнатди, дея хабар бермоқда Kazinform Anadoly агентлигига таяниб.

Туркиялик спортчининг сувга шўнғишини Шабан провинцияси раҳбари Aрда Ёзижи ва Каш муниципалитети раҳбари Мутлу Улуташ назорат қилди.

Спортчи 2 дақиқа 53 сония давомида эшкаксиз ва трубкасиз 100 метр чуқурликка шўнғиди. Унинг сўзларига кўра, у ўз ғалабасини Туркия Республикаси ва Қуролли кучларининг 98 йиллигига бағишлаган.

«Мен чуқурроқ шўнғиганимдан хурсандман. «Ушбу жаҳон рекорди билан мен жамоатчилик эътиборини иқлим инқирози, глобал исиш ва гендер тенглиги каби масалаларга қаратмоқчи эдим», - деди Эржумен.





Калит сўзлар: Хориж,
Юқорига