Об-ҳаво
Астана -18 °С
Алматы 1 °С
Валюта курси
USD 421.58
EUR 496.83
RUB 5.53
CNY 62.20

Туркистон Жаҳон мерос шаҳарлари ташкилотига расмий равишда қабул қилинди

25 Февраль 2021 10:09

TÚRKİSTAN. Kazinform – Туркистон шаҳри Жаҳон мерос шаҳарлари ташкилотига расмий равишда қабул қилинди. Бу ҳақда шаҳар ҳокимлиги маълум қилди, деб хабар беради Kazinform мухбири.

Ушбу ташкилотга аъзо бўлиш орқали Хўжа Аҳмад Яссавий мақбараси энди сайёҳларнинг қизиқишини оширади. Шунингдек, ҳар куни обод бўлиб бораётган шаҳар мақомини кўтаради ва маҳаллий аҳолига қувонч бағишлайди.

Шунингдек, 2 апрель куни Туркистон шаҳрида Евроосиёнинг Х халқаро мерос шаҳарлар конференцияси бўлиб ўтади.

Ушбу конференция Жаҳон мерос шаҳарлари ташкилоти билан ҳамкорликда ташкил этилади.

Эслатиб ўтамиз, ташкилот 1993 йил 8 сентябрда Фес шаҳрида (Марокаш) ташкил этилган. Жаҳон мерос шаҳарлари ташкилотига 300 дан ортиқ шаҳар киради. Жами ушбу шаҳарларда 164 миллиондан ортиқ одам истиқомат қилади.


Муаллиф: Айнур Ақбаева

Калит сўзлар: Халқаро алоқалар,
Юқорига