Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Таразда жеңіл көлік жүргізуші төрт адамды қағып кетті, екеуі көз жұмды

15 Сентябрь 2021 14:32

ТАРАЗ. ҚазАқпарат – Тараз қаласында автокөлік жүргізушісі аялдама маңында тұрған төрт адамды қағып кетті, деп хабарлайды ҚазАқпарат тілшісі.

Бүгін Тараз қаласында С. Сейфуллин көшесінен Б. Момышұлы көшесіне бара жатқан Hyundai маркалы автокөлік жүргізушісі төрт жаяу жүргіншіні қағып кетті. Оқиға орнында екі адам қаза тауып, екі адам Тараз қаласының №1 ауруханасына жеткізілді. Бұл туралы облыстық полиция департаментінің баспасөз қызметі хабарлады.


«Аталған дерек бойынша ҚР Қылмыстық кодексінің 345-бабы 4-бөлігімен сотқа дейінгі тергеу амалдары басталды. Полиция қызметкерлері жоғарыда аталған көлік жүргізушісі 23 жастағы Тараз қаласының тұрғынын анықтап, ұстады», - делінген ведомство хабарламасында.

Қазіргі уақытта тергеу амалдары жүргізіліп жатыр. Бірқатар тиісті сараптама тағайындалған.



Муаллиф Сая Сембай
Калит сўзлар: Видео, Көлік, ҚР ІІМ, Жамбыл облысы,
Юқорига