Об-ҳаво
Астана 1 °С
Алматы 3 °С
Валюта курси
USD 421.58
EUR 496.83
RUB 5.53
CNY 62.20

Сардоба аварияси: Мақтааралда янги микрорайондаги 31 та уйнинг қурилиши якунланди

23 Июль 2020 16:05

MAQTAARAL. Kazinform – Туркистон вилояти Мақтаарал туманидаги янги микрорайонда 31 уйнинг қурилиши якунланди. Бошпананинг 25 та уй ҳукумат резервидан, 6 таси «Nur Otan» партиясининг «Биз биргамиз» («Біз біргеміз») жамғармаси ҳисобисидан қурилди, дея хабар беради Kazinform мухбири.

Мақтаарал тумани архитектура, шаҳарсозлик ва қурилиш бўлими бошлиғи Бижан Анарбековнинг сўзларига кўра, яна 100 та уйнинг қурилиши 1 августда якунланиши режалаштирилган. Қурилишни ўз вақтида якунлаш учун микрорайонда 209 уйнинг томлари ёпилиб, 166 уй ички ва ташқи пардозлаш ишлари олиб борилмоқда. Янги микрорайонда қурилиш ишлари узилишларсиз амалга оширилмоқда, 1359 қурувчи кечаю кундуз ишламоқда.

Микрорайонда якка тартибдаги уй-жой қуришдан ташқари 1200 ўринли мактаб ва 280 ўринли болалар боғчасининг қозон чуқурини қазиш ишлари олиб борилмоқда. Айни пайтда иккита объектда 20 га яқин оғир техникалар ишламоқда. Бундан ташқари, микрорайонни инфратузилма билан таъминлаш амалга оширилмоқда. Хусусан, ичимлик суви етказиб бериш, газ қувурлари, канализация, йўл қурилиши, асфальт ётқизиш ишлари олиб борилмоқда», - деди Бижан Анарбеков.

Микрорайон кейинги ойда янги кўринишга эга бўлади. Шу мақсадда микрорайонни кесиб ўтадиган миллий йўлнинг икки томонида кенглиги 40 метр ва узунликдаги 60 метрлик дам олиш аллеяси қурилмоқда. Бундан ташқари, микрорайоннинг кириш қисмида канал бўйлаб кичик парк қурилмоқда. Бундан ташқари, икки ой ичида 25 ўринли амбулатория ва тиббий пункти фойдаланишга топширилади.

Калит сўзлар: Марказий Осиё,
Юқорига