Об-ҳаво
Астана 2 °С
Алматы 10 °С
Валюта курси
USD 421.58
EUR 496.83
RUB 5.53
CNY 62.20

Президент ҚР Экология, геология ва табиий ресурслар вазирини қабул қилди

22 Август 2020 15:10

NUR-SULTAN. Kazinform – Қозоғистон Президенти Қасим-Жомарт Тоқаев Экология, геология ва табиий ресурслар вазири Мағзум Мирзагалиевнинг ушбу соҳада олиб борилаётган ишлар тўғрисидаги ҳисоботини тинглади, деб хабар беради Ақорда.

Президентга мамлакатда балиқчиликни ривожлантириш истиқболлари тўғрисида маълумот берилди. Вазирнинг сўзларига кўра, 2019 йилда балиқ ва балиқ маҳсулотлари бозорининг умумий ҳажми 66 минг тоннани ташкил этган. Жумладан балиқ овлаш - 45 минг тонна, балиқ ўстириш - 7,4 минг тонна, балиқ импорти - 43,5 минг тонна, экспорти - 30 минг тонна. Олимларнинг фикрига кўра, Қозоғистон сув омборларида йилига 600 минг тонна балиқ етиштириш мумкин.

Президент мавжуд имкониятлардан фойдаланиш зарурлигини таъкидлади. Вазирликка барча вилоятлар билан биргаликда жорий йилнинг ноябригача балиқчиликни ривожлантириш бўйича ҳудудий дастурларни ишлаб чиқиш ва тасдиқлаш топширилди.

Ҳудудлардаги экологик вазиятга алоҳида эътибор қаратилди. Вазирнинг сўзларига кўра, Алмати, Темиртау, Атирау, Ақтўбе ва Павлодар вилоятларидаги экологик муаммоларни ҳал қилиш учун аҳоли билан биргаликда йўл хариталари ишлаб чиқилган.

Президент аниқ кўрсаткичларни аниқлаб, мамлакат минтақаларида атроф-муҳит ва ҳавони яхшилаш бўйича фаол ва самарали ишларни давом эттиришга кўрсатма берди.

Қасим-Жомарт Тоқаевга «Ҳайвонларга масъулиятли муносабатда бўлиш тўғрисида»ги қонун лойиҳаси ишлаб чиқилаётгани ҳақида хабар берилди. Президент ушбу ҳужжатнинг, айниқса, ёш авлодни тарбиялашдаги аҳамиятини таъкидлади.

Мағзум Мирзағалиев Президентга Қозоғистон миллий боғларида экотуризмни ривожлантириш режасини тақдим этди. Режанинг амалга оширилиши экотуризмга 70 миллиардга яқин хусусий сармояларни жалб қилади ва 4000 тагача янги иш ўринларини яратади.

Президент миллий боғларнинг салоҳиятини кучайтириш ва экотуризмни ривожлантиришни давом эттириш бўйича кўрсатма берди.

Суҳбат чоғида геологик қидирув ишлари масалалари муҳокама қилинди. Қасим-Жомарт Тоқаев Қозоғистоннинг эътиборсиз ва истиқболли ҳавзаларини ўрганишга ва уларни ривожлантириш учун инвестицияларни жалб қилишга эътибор қаратиш зарурлигини таъкидлади.

Мағзум Мирзағалиев, шунингдек, бошқа ҳудудларда суғориладиган ерларни ўзлаштириш ва янги сув омборлари қуриш борасида олиб борилаётган ишлар ҳақида сўзлаб берди. Президент суғориладиган ерлар бўйича олиб борилаётган ишларга юқори баҳо берди ва сувни тежайдиган технологияларга ўтишни ва сув тармоғини рақамлаштиришни жадаллаштиришни топширди.
Юқорига