Об-ҳаво
Нур-Султон +7 °С
Алматы +14 °С
Валюта курси
USD 449.85
EUR 485.43
RUB 5.71
CNY 70.69

Президент бизнесті отандық ЖОО-ларды қамқорлыққа алуға үндеді

21 Январь 2022 14:26

НҰР-СҰЛТАН. ҚазАқпарат - ҚР Президенті Қасым-Жомарт Тоқаев бизнесті отандық жоғары оқу орындарын қамқорлыққа алуға шақырды, деп хабарлайды ҚазАқпарат тілшісі.

«Өндіріске салым салу, ғылым мен білімде сапалы жұмыс орындарын құру міндетті түрде өзін өзі ақтайды. Біз де сонымен айналысуымыз қажет», - деп атап өтті Мемлекет басшысы еліміздің ірі бизнес өкілдерімен кездесуі барысында.

Осы орайда ҚР Президенті бизнесмендерді отандық жоғары оқу орындарын қамқорлыққа алуға шақырды.

«Мәселен, білікті кадрлардың, әсіресе техникалық мамандықтар бойынша жоқтығына шағымданғанның орнына ірі бизнес колледждерді қамқорлыққа алып,, олардың қамқоршылық кеңесіне кіріп, жастарды тәжірибеге неге алмасқа, зертханалар мен шеберханаларды жабдықтамасқа? Бұл бағытта жұмыс істеп жатқан жекелеген корпорациялардың бар екендігін білемін. Дегенмен, мұны жаппай жолға қою керек», деді Қасым-Жомарт Тоқаев.


Юқорига