Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Павлодар облысында жол апатынан жүргізуші көз жұмды

7 Декабрь 2021 10:01

ПАВЛОДАР. ҚазАқпарат – Павлодар облысында жол апатынан 49 жастағы жүргізуші көз жұмды, деп хабарлайды ҚазАқпарат Павлодар облыстық ПД баспасөз қызметіне сілтеме жасап.

«6 желтоқсан күні сағат 18:30-да «Ленинский-Русская Поляна» автожолының 136-шақырымында Ертіс ауданы Ынтымақ ауылына жақын маңда «Ауди-80» маркалы автокөліктің 49 жастағы жүргізушісі қарсы қозғалыс жолағына шығып кетіп, Газель автокөлігімен бетпе-бет соқтығысып қалған. Жол-көлік оқиғасы салдарынан «Ауди-80» автокөлігінің жүргізушісі алған жарақаттарынан оқиға орнында көз жұмды», - деп хабарлады Павлодар облысы Полиция департаментінің баспасөз қыметі.

Полиция атап өткендей, автокөліктер мамандандырылған айыппұл тұрағына қойылған.

Тексеру жүріп жатыр.


Калит сўзлар: Жол, Көлік, Павлодар облысы, Оқиға,
Юқорига