Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Өзбекстанда екпе науқаны басталғалы вакцинаның 18 млн дозасы салынды

18 Сентябрь 2021 13:21

ТАШКЕНТ. ҚазАқпарат – Өзбекстанда екпе науқаны басталғалы COVID-19 вирусына қарсы вакцинаның 18 миллионнан астам дозасы қолданылды, деп хабарлайды ҚазАқпараттың меншікті тілшісі.

Өзбекстан Республикасы Денсаулық сақтау министрлігінің мәліметінше, бүгінде елде вакцинаның 18 082 373 дозасы қолданылған.

Бұл ретте бірінші дозаны 10 334 108 адам алса, вакцинаның екінші және үшінші компоненті (қытай-өзбек ZF-UZ-VAC2001 вакцинасы үш дозамен салынады) тиісінше 5 745 222 және 2 003 043 өзбекстандық азаматқа егілді.

Елде вакциналаудың толық курсынан 3 596 143 адам өткен.

Аймақтар арасында Ферғана және Наманған облыстары көш бастап тұр. Онда екпе салдырғандар саны 2 миллион адамнан асты.

Еске сала кетсек, Өзбекстанда екпе науқаны 1 сәуірде басталды.

Вакцинацияға төрт препарат пайдаланылып отыр: еуропалық AstraZeneca, қытай-өзбек ZF-UZ-VAC2001, ресейлік «Спутник-V» және американдық Moderna.

3 тамызда республикада жұмыс істеуші тұрғындардың міндетті вакциналануы туралы заң қабылданған.


Калит сўзлар: Вакцина, Коронавирус, Өзбекстан, Әлем,
Юқорига