Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Орол муаммоси: Қозоғистон Ўзбекистон тажрибасидан фойдаланмоқчи

15 Июнь 2021 16:50

NUR-SULTAN. Kazinform – Орол денгизининг Ўзбекистон қисмида 1,2 миллион гектар майдонда саксовул экилган. ҚР экология, геология ва табиий ресурслар вазирининг ўринбосари Алия Шалабекова ушбу тажрибани қозоғистонлик мутахассислар ҳам ўрганаётганини айтди, деб хабар беради Kazinform мухбири.

«Аслида, бу мураккаб масала. Ўтган ҳафта бизнинг делегация Ўзбекистонда саксовул экиш тажрибаси билан танишди. 1,2 миллион гектарга экилган саксовул яхши илдиз отган. Баъзи аҳоли пунктларидаги бир марталик ҳаракатлар муваффақиятли бўлиши учун биз ҳам худди шундай тажрибани ўзлаштиришимиз керак. Саксовулларни оммавий экиш чанг бўронларидан халос бўлиш учун зарурдир. Ҳозирда бизнинг вазирлигимиз томонидан ушбу муаммони ҳал этиш бўйича дастур мунтазам равишда ишлаб чиқилмоқда. Биз саксовул экишнинг бир неча усулларидан фойдаланмоқчимиз. «Самолётда экиш ва механик экиш бир вақтнинг ўзида қўлланилади«, - деди у.

Бўлим вакили саксовулни ҳимоя қилиш масаласига ҳам тўхталиб ўтди.

»Ҳозирда Мажилисда «Ўсимлик дунёси тўғрисида»ги қонун лойиҳаси кўриб чиқилмоқда. Агар қонун қабул қилинган бўлса, ўсимликларни ҳимоя қилиш соҳаси тартибга солинган бўлар эди. Қонун ўсимликларни етиштириш учун бутун жамиятнинг масъулияти, вазифалари ва ҳуқуқларини белгилайди. Ҳозир биз ушбу йўналишда иш олиб бормоқдамиз«, - деди Алия Шалабекова.

Ўрмон хўжалиги ва ҳайвонот дунёси қўмитаси раиси вазифасини бажарувчи Ерлан Қутпанбаевнинг сўзларига кўра, вазир ўринбосари эслатиб ўтган лойиҳа 2030 йилгача амалга оширилади.

»1980 йилдан бери Оролнинг қуриб қолган тубига саксовул экилиб келинади. Бугунги кунга қадар умумий ўрмон майдони 337 минг гектардан ошди. Баҳорда махсус экспедиция ташкил этилди. Экспедиция аъзолари кимсасиз далаларни кўздан кечирдилар. Қидирув ишлари олиб борилмоқда. Барча тегишли ўрмон эрлари қидирувдан сўнг аниқланади. 2030 йилга келиб 1 миллион гектардан зиёд майдонга саксовул экиш режалаштирилган», - деди у.

Муаллиф: Есимжан Нақтибай


Калит сўзлар: Орол денгизи,
Юқорига