Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Оралда тренажер сымына оралып қалған бала жансақтау бөліміне түсті

25 Сентябрь 2021 20:03

ОРАЛ. ҚазАқпарат - Оралда 9 жасар бала балалар алаңында тренажер сымына оралып қалып, тұншыққан, деп хабарлайды ҚазАқпарат тілшісі.

БҚО Полиция департаменті баспасөз қызметінен түскен мәліметке қарағанда, оқиға 25 қыркүйек күні У.Громова көшесі бойындағы аулалардың бірінде болды.

2012 жылы туған бала абайсызда құлап кетіп, темір тренажердің бірінің сымына оралып қалған.

Ол тұншығу диагнозымен қалалық көпбейінді ауруханаға жатқызылды.

БҚО Денсаулық сақтау басқармасының баспасөз хатшысы Айнагүл Сақпосынованың нақтылауынша, жансақтау бөлімінде жатқан бала – ес-түссіз күйде. Жағдайы өте ауыр.

Полиция департаменті ата-аналарға балаларын қараусыз қалдырмауды ескертеді.

Еске салайық, бұдан бұрын Оралда 3 жасар қыз бесінші қабаттағы терезеден құлап кеткенін жазған болатынбыз.


Иллюстрациялық фото


Муаллиф Елжан Ералы
Калит сўзлар: Аймақ, Оқиға, Батыс Қазақстан облысы,
Юқорига