Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Орал әуежайына Мәншүк Мәметованың есімін беру ұсынылды

20 Октябрь 2021 16:17

ОРАЛ. ҚазАқпарат – «Орал» халықаралық әуежайына Кеңес одағының Батыры Мәншүк Мәметованың есімін беру ұсынылды, деп хабарлайды ҚазАқпарат тілшісі.

БҚО тілдерді дамыту басқармасының басшысы міндетін атқарушы Света Ғаниеваның мәлім еткеніндей, Nur Otan партиясы облыстық филиалы жанындағы «Мирас» қоғамдық кеңесі және облыстық мәслихат депутаттарынан «Орал» халықаралық әуежайына Кеңес одағының Батыры Мәншүк Мәметованың есімін беру туралы ұсыныс түскен.

Бұл мәселе бүгін облыстық мәслихаттың 7-сессиясында қаралып, депутаттар тарапынан бірауыздан қолдау тапты. Тиісті шешім қабылданды.

«Енді ұсыныс ҚР Үкіметі жанындағы республикалық ономастика комиссиясының қарауына жолданатын болады», - деді ҚазАқпарат тілшісіне С.Ғаниева.

Еске сала кетейік, бұдан бұрын БҚО мектептеріне қазақтың ұлы тұлғаларының есімдері берілгенін жазған болатынбыз.



Муаллиф Елжан Ералы
Калит сўзлар: Батыс Қазақстан облысы,
Юқорига