Об-ҳаво
Астана +7 °С
Алматы +14 °С
Валюта курси
USD 421.58
EUR 496.83
RUB 5.53
CNY 62.20

Нұр-Сұлтанда жарты миллионға жуық тұрғын толық вакцина алды

8 Декабрь 2021 14:35

НҰР-СҰЛТАН. ҚазАқпарат – Елорданың қоғамдық денсаулық сақтау басқармасы басшысының орынбасары Гүлназ Досмырзаева қаладағы вакциналау жұмысы туралы айтып берді, деп хабарлайды ҚазАқпарат.

«Нұр-Сұлтанда вакцинаның бірінші компонентін 476 мыңнан астам азамат алды, ал 438 мың тұрғын иммундаудың толық курсынан өтті. Үлкен қуанышқа орай, біз вакцина алуы тиіс халықтың басым бөлігін вакциналадық. Бірақ бұл вирусты толығымен жеңу үшін жеткіліксіз – мұнда тұрғындардың екпе алуға деген ынтасы шешуші рөл атқарады», - деді Гүлназ Досмырзаева әкімдікте өткен брифингте.

Ол халықты жаппай вакциналаумен қамту үшін 36-дан астам медициналық ұйымдарда және қаланың төрт сауда кешенінде («Керуен» СОО, «Абу-Даби Плаза», «Азия парк» және «Евразия» СҮ) егу пунктері ашылғанын еске салды.

«Жаппай вакцинация басталғаннан бері сауда ойын-сауық орталықтары мен сауда үйлерінде 130 мыңнан астам азамат екпе алды. Тұрғындарды вакциналауға 300-ден астам медицина қызметкері жұмылдырылды», - деді спикер.


Юқорига